Laus störf Hæfnileit Vinnustaðir Námskeið

Eimskip

Hlutverk Eimskips er að veita áreiðanlegar heildarlausnir í flutningum á sjálfbæran hátt með árangur viðskiptavina að leiðarljósi. Við höfum verið traustur samstarfsaðili í alþjóðlegum flutningum frá árinu 1914 og rekum 56 skrifstofur í 20 löndum með um 1.700 starfsmönnum. Við tryggjum viðskiptavinum okkar áreiðanlegar heildarlausnir í flutningum meðal annars með áætlunarsiglingum og rekstri gáma- og frystiskipa í Norður-Atlantshafi, hafnarþjónustu, landflutningum, vöruhúsa- og frystigeymsluþjónustu og alþjóðlegu skrifstofuneti í flutningsmiðlun. Hjá Eimskip er lögð sérstök áhersla á að skapa jákvæða menningu með sterkri liðsheild, tækifærum til þróunar, hvatningu til að sýna frumkvæði, opnum skoðanaskiptum og góðri miðlun upplýsinga.

Vinnustaðurinn

Rafvirki, rafeindavirki eða rafvélavirki óskast á rafmagnsverkstæði

Rafmagnsverkstæði Eimskips í Sundahöfn leitar að öflugum rafvirkja, rafeindavirkja eða rafvélavirkja í framtíðarstarf.

Við bjóðum upp á fjölbreytt og krefjandi verkefni í fyrsta flokks vinnuaðstöðu þar sem fagmennska og öryggi eru í forgrunni. Verkstæðið er hluti af samheldnu teymi sem vinnur að viðhaldi og uppbyggingu tækja og búnaðar sem styður við alþjóðlega flutningsstarfsemi Eimskips.

Ef þú hefur áhuga á tæknilegum lausnum, vinnur af nákvæmni og átt auðvelt með að vinna í hóp – þá viljum við heyra frá þér!

Um fullt starf er að ræða. Unnið er mánudaga til fimmtudaga frá kl. 07:00 - 16:00 og til kl. 15:00 á föstudögum.

Helstu verkefni og ábyrgð

Almenn raflagnavinna, viðhald og nýlagnir
Viðhald tækja og búnaðar
Uppsetning og endurbætur á rafbúnaði
Önnur tilfallandi verkefni

Menntunar- og hæfniskröfur

Sveinspróf í rafvirkjun, rafeindavirkjun eða rafvélavirkjun
Reynsla af viðgerðum á lyfturum og frystikerfum er kostur
Reynsla af stýrisbúnaði og raflögnum er kostur
Góð kunnátta í íslensku skilyrði.
Góð þjónustulund og jákvæðni

Fríðindi í starfi

Öflugt starfsmannafélag sem rekur m.a. orlofshús víðsvegar um landið
Heilsu- og hamingjupakki fyrir starfsfólk sem inniheldur samgöngustyrk, og styrki fyrir líkamsrækt, sálfræðiþjónustu og fleira
Gott mötuneyti og matur niðurgreiddur fyrir starfsfólk
Sveigjanlegt og fjölskylduvænt vinnuumhverfi
Samkeppnishæf laun

Nánari upplýsingar um starfið veitir Ragnar Már Sveinsson, [email protected].

Umsóknarfrestur er til og með 21.september 2026.

Í anda jafnréttisstefnu Eimskips eru öll kyn hvött til að sækja um. Eingöngu er tekið á móti umsóknum í gegnum ráðningarvef Eimskips. Hreint sakavottorð og 18 ára aldur er skilyrði fyrir ráðningu hjá Eimskip.

Auglýsing birt7. september 2026

Umsóknarfrestur21. september 2026

Tungumálahæfni