Sólheimar hafa starfað að mannrækt, umhverfis- og menningarmálum í 95 ár. Í byggðarhverfinu Sólheimum búa og starfa um 100 manns. Rekin er fjölþætt atvinnustarfsemi, s.s. öflug félagsþjónusta, gróðrarstöð, skógrækt, verslun, kaffihúsi, kaffibrennsla, nytjamarkaður, vefverslun, jurtastofa og gistiheimili. Á staðnum eru fimm mismunandi vinnustofur; leirgerð, listasmiðja, kertagerð, vefstofa og smíðastofa. Menningarstarfsemi er fjölbreytt, en á Sólheimum er sögusafn, sýningarsalir, höggmyndagarður, trjásafn, kirkja, fræðasetrið Sesseljuhús og íþróttaleikhús og sundlaug. Gildi Sólheima eru; Kærleikur, virðing, sköpunargleði og fagmennska.