Nýliði í fyrirtækjaráðgjöf

Fyrirtækjaráðgjöf Arion banka leitar að nýliða til að leysa fjölbreytt og krefjandi verkefni fyrir viðskiptavini.

Fyrirtækjaráðgjöf veitir fyrirtækjum og fjárfestum m.a. ráðgjöf við kaup og sölu fyrirtækja, fjármögnun, skráningu verðbréfa í Kauphöll og verðbréfaútboð auk greininga á fjárfestingakostum. Í deildinni starfar öflugur hópur sérfræðinga með mikla þekkingu og reynslu. Verkefni deildarinnar eru umfangsmikil, unnin í teymum og krefjast framúrskarandi samskiptahæfileika. Fyrirtækjaráðgjöf tilheyrir fyrirtækja- og fjárfestingarbankasviði sem hefur það hlutverk að bjóða alhliða fjármála- og tryggingaþjónustu til fyrirtækja, stofnana og sveitarfélaga auk stýringar á fjármögnunarverkefnum.