Laus störf Hæfnileit Vinnustaðir Námskeið

Securitas

Securitas er þjónustufyrirtæki og er starf okkar að auka öryggi viðskiptavina með gildin okkar að leiðarljósi sem eru árvekni, heiðarleiki og hjálpsemi. Hjá okkur starfa um 500 manns, flestir starfa á höfuðborgarsvæðinu en Securitas heldur úti þremur útibúum, á Akureyri, Eskifirði og Reykjanesi. Starfsfólkið samanstendur af fjölbreyttum og öflugum hóp fólks með ýmiskonar bakgrunn og menntun. Við leggjum mikið upp úr góðum anda á vinnustaðnum, jákvæðum samskiptum og búum þannig til umhverfi sem okkur öllum líður vel í. Umhverfið okkar er allt í senn krefjandi og skemmtilegt og hér er góð liðsheild sem skilar sér í meiri árangri og líflegri menningu og leggjum við mikla áherslu á samvinnu og fagmennsku. Það er gaman í vinnunni, mikið hlegið og við hjálpumst öll að við að gera dag hvers annars betri. Securitas leggur áherslu á að skapa starfsfólki tækifæri til að þróast í starfi og takast á við krefjandi verkefni sem eflir það og styrkir. Við erum stolt af því hversu margir hafa fengið að vaxa og þróast í starfi hjá Securitas, en hér er möguleiki á öflugri starfsþróun og tækifæri til að fylgjast með því sem er að gerast í starfseminni á hverjum tíma. Við leggjum okkur fram við að allir njóti jafnra tækifæra á vinnustaðnum og metum allt starfsfólk að verðleikum. Við tryggjum það að einstaklingum sé ekki mismunað á grundvelli kyns, þjóðernis, kynþáttar, kynhneigðar, trúar eða annarra þátta.

Vinnustaðurinn

Markaðsfulltrúi

Ert þú með auga fyrir góðu efni, brennandi áhuga á samfélagsmiðlum og drifkraft til að láta hlutina gerast? Við hjá Securitas erum að leita að hugmyndaríkum og framkvæmdaglöðum markaðsfulltrúa til að ganga til liðs við okkur.

Í þessu hlutverki færðu frelsi til að móta hvernig við sýnum og segjum sögur af starfseminni okkar, nýjustu öryggislausnunum og þeim sigrum sem við vinnum á hverjum degi.

Við leitum að manneskju sem bíður ekki eftir fyrirmælum, heldur sér tækifærin og grípur þau.

Helstu verkefni

Efnissköpun og umsjón með samfélagsmiðlum fyrirtækisins.
Yfirfærsla og samræming á útliti og viðmóti allra þátta í starfsemi fyrirtækisins.
Þátttaka í gerð auglýsinga og umsjón með útgáfustarfsemi og öðru kynningarstarfi.
Efnisgerð og textaskrif
Skipulagning og framkvæmd viðburða fyrirtækisins, hvort sem um ræðir sýningar, kynningar eða innri viðburði.
Náin samvinna með stjórnendum og teymum við að búa til markaðsefni

Við leitum að einstaklingi sem

Býr yfir skapandi hugsun og frumkvæði
Hefur menntun sem nýtist í starfi
Hefur góðan skilning á markaðssetningu og markhópum
Hefur kunnáttu í myndbandagerð og klippingu
Býr yfir skipulaghæfni og getu til að halda á mörgum boltum á lofti í einu.
Hefur gott vald á skrifuðum íslenskum og enskum texta
Hefur góðan skilning á stafrænum markaðsmálum, leitarvélabestun (SEO) og hvernig auka má sýnileika vörumerkis á netinu.

Hvað bjóðum við?

Einstakt tækifæri til að hafa áhrif á markaðsstarf og ásýnd Securitas
Fjölbreyttan vinnudag þar sem engir tveir dagar eru eins.
Skapandi og kraftmikið vinnuumhverfi með flottu fólki.
Góða vinnuaðstöðu og spennandi starf þar sem þú hefur tækifæri til að setja mark þitt á markaðsstarf hjá fyrirtæki sem sérhæfir sig í hátæknibúnaði og þjónustulausnum.

Starfið hentar öllum kynjum sem eru með hreint sakavottorð. Við hvetjum umsækjendur til að skila inn umsóknum sem fyrst þar sem unnið verður úr þeim jafnóðum og þær berast.

Farið er með allar umsóknir sem trúnaðarmál og er öllum umsóknum svarað. Umsóknarfrestur er til og með 11. júní nk. 

Nánari upplýsingar um starfið veitir Nína Auðardóttir, markaðsstjóri í síma 580-7000.

Auglýsing birt2. júní 2026

Umsóknarfrestur11. júní 2026

Tungumálahæfni