Kennarar í Veröld - Víðistaðaskóli

Víðistaðaskóli auglýsir stöður tveggja til þriggja kennara í Veröld sem er nýtt skólaúrræði vegna barna sem eru umsækjendur um alþjóðlega vernd. Veröld byggir á góðu starfi sem þróað hefur verið undanfarin ár sem kennslu- og stuðningsúrræði fyrir börn með fjölbreyttan tungumála- og menningarbakgrunn.

Við leitum að reynslumiklu, skipulögðu og áhugasömu fagfólki sem er tilbúið að leggja í þá vegferð að byggja upp og skapa faglegt og gott skólaumhverfi fyrir nemendur með fjölbreyttan tungumála- og menningarbakgrunn.

Nemendur Víðistaðaskóla eru ríflega 500 í 1.-10.bekk. Starfsmenn skólans eru liðlega 100 og ríkir góður starfsandi og samheldni innan hópsins. Við störfum eftir leiðarljósunum ábyrgð- virðing- vinátta. Við leggjum áherslu á líðan nemenda, fjölbreytta kennsluhætti, nemendalýðræði og að hver og einn fái tækifæri til að vera eins og hann er.

Um er að ræða 80-100% stöður. Ráðið er í stöðurnar frá 1. ágúst.

Helstu verkefni og ábyrgð:

• Skipuleggja kennslu og útbúa einstaklingsnámskrár, í samráði við þá kennara sem við á hverju sinni.
• Sinna skólanámskrárgerð fyrir eigin kennslu
• Annast kennslu og sinna starfsskyldum þeim tengdum, s.s. gerð kennsluáætlana, námsmat og upplýsingagjöf til nemenda og aðstandenda.
• Tekur þátt í faglegu samstarfi og teymisvinnu
• Önnur verkefni samkvæmt starfslýsingu

Menntunar og hæfniskröfur:

• Leyfisbréf til kennslu (leyfisbréf fylgi umsókn)
• Reynsla af kennslu nemenda með fjölbreyttan tungumála- og menningarbakgrunn.
• Þekking á áfallamiðaðri nálgun í skólastarfi er kostur.
• Reynsla og áhugi af starfi með börnum og ungmennum.
• Framúrskarandi hæfni í samskiptum og samstarfshæfni.
• Frumkvæði og sjálfstæði í vinnubrögðum
• Góð íslenskukunnátta

Umsóknarfrestur er til og með 26. júní 2025.

Skilyrði við ráðningu er að viðkomandi hafi hreint sakavottorð.

Laun eru samkvæmt kjarasamningi Sambands íslenskra sveitarfélaga við KÍ.

Greinargóð ferilskrá fylgi umsókn.

Nánari upplýsingar um starfið veitir Dagný Kristinsdóttir, skólastjóri, [email protected] sími 6645890

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.