Hjúkrunarfræðingar óskast til starfa hjá Heilsuvernd heilsugæslu
Heilsuvernd heilsugæsla óskar eftir að ráða hjúkrunarfræðinga í sitt öfluga teymi. Við leitum að einstaklingum sem hafa jákvæðni og góð samskipti að leiðarljósi, eru sjálfstæðir í vinnubrögðum en vilja um leið vera hluti af sterku teymi.
Um ótímabundið starf er að ræða og starfshlutfall er 80-100% þar sem unnið er á dagvinnutíma.
Heilsuvernd er ört stækkandi fyrirtæki í heilbrigðisþjónustu sem hefur sérhæft sig í heilsu- og vinnuverndarstörfum, almennri heilsugæsluþjónustu og heilbrigðisþjónustu fyrir hjúkrunarheimili. Heilsuvernd rekur heilsugæsluna í Urðarhvarfi.
Heilsugæslan Urðarhvarfi er einkarekin heilsugæsla sem starfar undir merkjum Heilsuverndar. Heilsuvernd heilsugæslan er skipuð sérhæfðu og metnaðarfullu starfsfólki sem leggur áherslu á faglega og framúrskarandi þjónustu. Við leggjum áherslu á að hafa jákvæð áhrif á lífsgæði fólks og efla heilbrigði og vellíðan. Heilsugæslan Urðarhvarfi býr yfir sérstaklega góðum starfsanda, samvinnu og metnaði starfsfólks.
Hjá Heilsuvernd heilsugæslu leggjum við okkur fram um að skapa glaðlegt og gott vinnuumhverfi, auk þess sem við leggjum mikinn metnað í að veita framúrskarandi og faglega þjónustu.
- Skólahjúkrun; Skólahjúkrunarfræðingur sinnir reglubundinni heilsuvernd grunnskólabarna s.s. fræðslu, heilsueflingu, bólusetningum, skimunum og ráðgjöf ásamt öðrum viðfangsefnum sem kunna að koma upp
- Almenn hjúkrunarstörf; Á hjúkrunarmóttöku er almennum hjúkrunarverkum sinnt sem ekki teljast bráð eins og lyfjagjöfum, bólusetningum, sárameðferðum, saumatökum o.fl. Á hjúkrunarvakt eru bráðum erindum sinnt sem þarfnast aðhlynningar hjúkrunarfræðings samdægurs og eru þau erindi unnin í nánu samstarfi við heimilislækna
- Þátttaka í þróunar- og gæðaverkefnum
- Skipulag, eftirlit og mat á gæðum hjúkrunar
- Próf og starfsréttindi sem hjúkrunarfræðingur
- Þjónustulund og gott viðmót
- Frumkvæði, jákvæðni og samstarfsvilji
- Góð almenn tölvukunnátta
- Góð íslenskukunnátta
- Reynsla af heilsugæsluhjúkrun og/eða skólahjúkrun kostur
Íslenska
