Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur - Sjúkrahótel við Hringbraut

Við óskum eftir öflugum hjúkrunarfræðingi til starfa á Sjúkrahótel við Hringbraut.

Á Sjúkrahóteli starfar samhentur hópur reyndra hjúkrunarfræðinga og sjúkraliða auk mótttökuritara. Þjónusta Sjúkrahótelsins er hjúkrunarstýrð og afar fjölbreytt. Sjúklingar sem þar dvelja eru að sækja þjónustu fjarri heimabyggð og geta dvalið ásamt aðstandendum á meðan þeir eru í virkri meðferð. Hjúkrunarfræðingar sinna almennum hjúkrunarviðfangsefnum auk þess að vera til stuðnings og ráðgjafar í meðferðarferlinu. Algengustu hópar sjúklinga sjúkrahótelsins eru; skurðsjúklingar, krabbameinssjúklingar, meðganga og fæðing, þjónusta við börn og sjúklingar í endurhæfingu.

Í boði er að vinna eingöngu morgunvaktir eða á blönduðum vöktum. Starfið er laust nú þegar eða eftir samkomulagi. Um er að ræða 50-100% starfshlutfall.

Menntunar- og hæfniskröfur

Íslenskt hjúkrunarleyfi

Frumkvæði, faglegur metnaður og sjálfstæð vinnubrögð

Reynsla af því að starfa sjálfstætt við hjúkrun

Hæfni og áhugi á að starfa með fjölbreyttum hópi sjúklinga og aðstandenda

Jákvætt viðmót og góðir samskiptahæfileika

Góð íslenskukunnátta

Helstu verkefni og ábyrgð

Hjúkrunarmeðferð sjúklinga, stuðningur og ráðgjöf

Starfa í teymisvinnu við almenn verkefni í tengslum við rekstur hótelsins

Önnur verkefni á deild í samráði við deildarstjóra

Starfshlutfall: 50-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumálahæfni: íslenska 4/5, enska 3/5

Nánari upplýsingar

Þórhildur Ó Sveinbjörnsdóttir

Aðstoðardeildarstjóri

Tölvupóstur: [email protected]

Garðar Örn Þórsson

Mannauðsstjóri

Tölvupóstur: [email protected]

Auglýsing birt24. febrúar 2026

Umsóknarfrestur9. mars 2026

Tungumálahæfni