Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunardeildarstjóri flæðisdeildar

Starf hjúkrunardeildarstjóra flæðisdeildar á Landspítala er laust til umsóknar. Við leitum að öflugum og metnaðarfullum stjórnanda til að leiða og þróa starfsemi deildarinnar, efla þverfaglegt samstarf og byggja upp góða liðsheild.

Flæðisdeildin er samsett úr innlagnastjórum og útskriftarteymi sem vinna þétt saman að því að gera ferðalag sjúklingsins í gegnum Landspítala sem best fyrir hann og hans þarfir hverju sinni. Að auki mun ný útskriftamiðstöð tilheyra deildinni en áætlað er að hún taki til starfa árið 2026. Hópurinn er samstilltur og skemmtilegur. Hvatt er til vettvangsheimsókna til helstu samstarfsaðila sem og símenntunar og fræðslu. Þá teflir flæðisdeild fram sigurstranglegu liði í Lífshlaupinu ár hvert.

Hjúkrunardeildarstjóri er leiðtogi með faglega ábyrgð, starfsmannaábyrgð og fjárhagslega ábyrgð. Næsti yfirmaður er framkvæmdastjóri hjúkrunar á Landspítala.

Starfshlutfall er 100% og er starfið laust samkvæmt samkomulagi.

Menntunar- og hæfniskröfur

Íslenskt hjúkrunarleyfi

Starfsreynsla sem hjúkrunarfræðingur

Framhaldsmenntun í hjúkrun og/ eða önnur framhaldsmenntun á háskólastigi sem nýtist í starfi er kostur

Farsæl reynsla af stjórnun og rekstri er kostur

Reynsla af flæðismálum s.s. innlagnarstjórn eða reynsla í útskriftamálum er skilyrði

Leiðtogahæfni, áhugi og vilji til að leiða breytingar og umbætur

Framúrskarandi samskiptahæfni og jákvætt viðmót, og lífsviðhorf og lausnamiðuð nálgun

Hæfni til að leiða teymi og vinna að sameiginlegum markmiðum

Mjög góð hæfni í samskiptum og jákvætt viðmót

Frumkvæði og metnaður til að ná árangri

Mjög góð íslensku- og enskukunnátta og í ræðu og riti

Helstu verkefni og ábyrgð

Fagleg ábyrgð: Uppbygging, þróun og skipulagning starfseminnar. Setur markmið um gæði og öryggi og tryggir eftirfylgni. Tekur þátt í vísinda- og rannsóknarstarfi

Starfsmannaábyrgð: Uppbygging mannauðs og dagleg stjórnun starfsfólks deildarinnar

Fjárhagsleg ábyrgð: Stjórnun rekstrarkostnaðar deildarinnar

Forysta: Tekur þátt í áframhaldandi uppbyggingu, skipulagningu og þróun flæðis sjúklinga á Landspítala í samstarfi við innri og ytri aðila.

Gæði og öryggi: Tryggir að öryggis-, gæða- og umbótastarfi sé framfylgt og stuðlar að menningu sálræns öryggis

Samstarf: Er leiðandi í flæðismálum Landspítala í breiðu samhengi. Er framkvæmdastjóra hjúkrunar til ráðgjafar um mál er varða flæði, útskriftir og skipulag því tengdu. Er í þéttu samstarfi við ytri hagaðila s.s. aðrar heilbrigðisstofnanir og Heilbrigðisráðuneyti vegna flæðismála.

Stefna og áherslur: Framfylgir stefnu og áherslum framkvæmdastjórnar Landspítala

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfi
Ferilskrá ásamt kynningarbréfi með rökstuðningi fyrir hæfni og sýn á starfið

Fylgiskjöl skulu vera á pdf formi.

Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, deildarstjóri, stjórnunarstarf

Tungumálahæfni: íslenska 4/5, enska 4/5

Nánari upplýsingar

Ólafur Guðbjörn Skúlason, [email protected],

Flæðisdeild

Fossvogi

108 Reykjavík

Auglýsing birt3. október 2025

Umsóknarfrestur17. október 2025

Tungumálahæfni

Íslenska

Nauðsyn

Mjög góð

Enska

Nauðsyn

Mjög góð

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (50)

Læknisfræðilegur eðlisfræðingur - Geislameðferðardeild Landspítala