Laus störf Hæfnileit Vinnustaðir Námskeið

Seðlabanki Íslands

Seðlabanki Íslands er sjálfstæð stofnun í eigu ríkisins sem heyrir undir forsætisráðherra. Markmið bankans er að stuðla að stöðugu verðlagi, fjármálastöðugleika og traustri og öruggri fjármálastarfsemi. Þá skal bankinn sinna viðfangsefnum sem samrýmast hlutverki hans sem seðlabanka, svo sem að varðveita gjaldeyrisforða og stuðla að virku og öruggu fjármálakerfi. Hjá Seðlabankanum starfar öflug liðsheild og leggur bankinn ríka áherslu á metnaðarfullt og hvetjandi starfsumhverfi sem einkennist af trausti, fagmennsku, þekkingu og framsækni.

Vinnustaðurinn

Hefur þú reynslu af verkefnastjórnun?

SEÐLABANKI ÍSLANDS óskar eftir að ráða sérfræðing til að starfa í deild alþjóðasamskipta, miðlunar og stefnumótunar á sviði skrifstofu bankastjóra.

Skrifstofa bankastjóra hefur miðlæga yfirsýn yfir starfsemi bankans, styður við störf bankaráðs, nefnda bankans auk seðlabankastjóra og varaseðlabankastjóra. Deild alþjóðasamskipta, miðlunar og stefnumótunar ber ábyrgð á ráðgjöf og þjónustu við framangreinda aðila, sem meðal annars felst í undirbúningi funda, erinda, ákvarðana, verkefnastjórn, undirbúningi nefndarstarfs og bankaráðsfunda. Deildin fer einnig með umgjörð stjórnarhátta, rekstraráhættu og verkefnastýringu verkefnasafns, alþjóðasamskipti, innra upplýsingaflæði ásamt ytri upplýsingamiðlun.

Helstu verkefni og ábyrgð

Þróa og styðja við yfirsýn yfir safn stærri verkefna þvert á svið bankans.
Fylgjast með stöðu verkefna í verkefnasafni bankans og stuðla að skilgreindum markmiðum og tímamörkum sé náð.
Miðla upplýsingum um stöðu verkefnasafns á skilvirkan hátt.
Hanna ferla og þróa skipulag verkefnastýringar og áætlana innan sviðs.
Verkefnastjórn verkefna innan sviðs og þvert á svið bankans.
Fjölbreytt sérfræðiverkefni sem koma til úrlausnar á sviðinu.

Menntunar- og hæfniskröfur

Háskólamenntun sem nýtist í starfi.
Þekking og reynsla af verkefnastjórnun.
Alþjóðavottun eða menntun á sviði verkefnastjórnunar er kostur.
Þekking á verkefnastjórnunarkerfinu Jira eða sambærilegum hugbúnaði er kostur.
Reynsla og þekking á hag- og fjármálakerfinu er kostur.
Hæfni til að tjá sig og miðla upplýsingum í ræðu og riti á íslensku og ensku.
Góð færni í mannlegum samskiptum og árangursríkri teymisvinnu.
Fagleg vinnubrögð, umbótahugsun og metnaður til að ná árangri í starfi.

Frekari upplýsingar veita Guðrún S. Gunnarsdóttir forstöðumaður alþjóðasamskipta, miðlunar og stefnumótunar (gudrun.s.gunnarsdó[email protected]) og Telma Ýr Unnsteinsdóttir, sérfræðingur á mannauðssviði ([email protected]). Umsóknarfrestur er til og með 15. júní.

Um er að ræða 100% starfshlutfall með starfsstöð í Reykjavík. Sótt er um starfið á heimasíðu Seðlabanka Íslands, www.sedlabanki.is/storf. Með umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans og er fólk af öllum kynjum hvatt til að sækja um. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin. Vakin er athygli umsækjenda á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Auglýsing birt1. júní 2026

Umsóknarfrestur15. júní 2026

Tungumálahæfni