Verkefnastjóri Listasmiðju

Listasmiðjustjóri óskast í leikskólann Ævintýraborg við Eggertsgötu.

Ævintýraborg er fimm deilda leikskóli með 85 börnum og starfar í anda Reggio Emilia. Við höfum nýlega tekið þátt í þróunarverkefni með 5 öðrum skólum við innleiðingu á Barnasáttmála Sameinuðu þjóðanna og erum þar af leiðandi orðinn Réttindaskóli.

Á Ævintýraborg er fjölmenningarlegt samfélag barna og starfsfólks sem vinnur eftir einkunnarorðunum virðing og vellíðan. Listasmiðjustjóri sér um framkvæmd og eftirfylgd á skipulagi og sköpun barna í listasmiðju skólans.

Unnið hefur verið að því að opna listasmiðju í sér rými á lóð leikskólans síðan árið 2022 og er hún loks tilbúin til notkunar. Við viljum með smiðjunni gera skapandi starf að enn stærri þætti í starfinu okkar.

Leikskólinn er staðsettur miðsvæðis í Reykjavík. Í nánasta umhverfi er Norræna húsið, Ægissíðan, Skerjafjörður og fallegar gönguleiðir og staðir sem gaman er að njóta.

Áhersla er lögð á barnið sem færan einstakling þar sem barnið er virkur þátttakandi í námsferlinu. Við viljum hvetja börnin áfram á einstaklingsmiðaðan hátt ásamt því að draga fram styrkleika hvers og eins. Leikskólinn starfar í tveimur húsnæðum á sömu lóðinni en lögð er áhersla á að skólinn er ein heild og því allir hluti af heildinni. Við leggjum mikla áherslu á góðan starfsanda og samvinnu.

Starfið er laust í ágúst eða eftir samkomulagi. Auglýst er tímabundin ráðning með möguleika á framlenginu.

Nánari upplýsingar um starfið veitir Kristín Petrína Pétursdóttir í síma 411-6750 og tölvupósti [email protected]

Leikskólinn Ævintýraborg við Eggertsgötu

Eggertsgata 35

102 Reykjavík