Laus störf Hæfnileit Vinnustaðir Námskeið

Landsnet

Landsnet er þjónustufyrirtæki í eigu þjóðarinnar sem sér um flutning raforku á Íslandi um háspennukerfi landsins. Fyrirtækið tryggir öruggan, stöðugan og skilvirkan flutning rafmagns um landið. Hjá Landsneti starfar kraftmikill hópur fólks með fjölbreyttan bakgrunn og menntun. Boðið er upp á faglegt umhverfi með stórum hópi sérfræðinga og fyrirmyndaraðstöðu. Áhersla er lögð á þjálfun og þróun starfsfólks og jafnvægi einkalífs og vinnu skiptir fyrirtækið miklu máli. Gildi Landsnets eru: Ábyrgð – Samvinna – Virðing.

Vinnustaðurinn

Fyrirliði samhæfingarstjórnstöðvar

Viltu halda ljósunum á landinu logandi?

Viltu taka þátt í að stýra flutningskerfi raforku á Íslandi og taka þátt í verkefnum sem skipta samfélagið miklu máli og leika um leið lykilhlutverk í orkuskiptunum ?

Kerfisstjórn Landsnets leitar að metnaðarfullum og ábyrgum liðsfélögum í samhent teymi þar sem samvinna, traust, uppbyggileg samskipti og fagleg vinnubrögð eru í fyrirrúmi.

Á hverju ári eru yfir 1.000 aðgerðir í flutningskerfi raforku. Samhæfingarstjórnstöð okkar hjá Landsneti sér um samræmingu og samhæfingu allra aðgerða í flutningskerfinu, með áherslu á að tryggja persónuöryggi og hámarka afhendingaröryggi raforku.

Hlutverk þitt væri að

Tryggja samræmingu og undirbúning aðgerða í flutningskerfinu
Greina stöðu flutningskerfisins og upplýsingagjöf til hagaðila
Leiða breytingar tengdar samhæfingarstjórnstöð
Taka þátt í stjórnkerfi Kerfistjórnar

Til að ná árangri þarf einstaklingur að

Hafa háskólamenntun sem nýtist í starfi, t.d. verkfræði, tæknifræði eða sambærilegt
Vera skipulögð og nákvæm manneskja með ánægju af samhæfingu og yfirsýn yfir flókin verkefni
Geta tekið ábyrgð á ferlum og tryggt að aðgerðir séu vel undirbúnar og samræmdar
Vera öruggur í ákvarðanatöku og halda hagaðilum upplýstum
Vera lausnamiðaður, árangursdrifinn og eiga auðvelt með uppbyggileg samskipti og gott samstarf

Við bjóðum þér

Samstarf við fjölbreyttan hóp sérfræðinga sem vinna að kerfisstjórn raforkukerfisins
Skemmtilegt vinnuumhverfi með aðstöðu til líkamsræktar, frábæru mötuneyti og svo margt fleira
Stuðning við að vaxa í starfi og bæta við þig þekkingu
Tækifæri til að vinna við verkefni sem skipta máli fyrir samfélagið

Kerfisstjórn starfar í samræmi við reglugerð nr. 513/2003 og ber ábyrgð á öryggi og gæði raforkuafhendingar, með rauntíma stjórnun flutningskerfisins, samhæfingu og heimild aðgerða, rekstur og uppgjör jöfnunarorkumarkaðar, sölu- og gæðamælingar raforku ásamt innkaupum á kerfisþjónustu og þeirri orku sem tapast í flutningstöpum.

Auglýsing birt20. nóvember 2025

Umsóknarfrestur2. desember 2025

Tungumálahæfni