Forstöðumaður Amtsbóka- og Héraðsskjalasafnsins á Akureyri

Forstöðumaður ber ábyrgð á stefnumótun, rekstri og daglegri stjórnun Amtsbókasafnsins og Héraðsskjalasafnsins í samræmi við lög, reglugerðir og stefnu Akureyrarbæjar. Starfið er bæði faglegt og stjórnunarlegt og krefst góðrar yfirsýnar, frumkvæðis og hæfni í mannauðsmálum og rekstri.

Forstöðumaður heyrir undir sviðsstjóra þjónustu- og menningarsviðs og leiðir fjölbreyttan hóp starfsfólks í lifandi og síbreytilegu starfsumhverfi.

Helstu verkefni:

• Mótun framtíðarsýnar og stefnu safnanna og eftirfylgni með henni
• Rekstur og gerð starfs- og fjárhagsáætlana
• Mannauðsstjórnun og fagleg forysta starfsfólks
• Tryggja faglega, aðgengilega og nútímalega þjónustu við bæjarbúa og gesti
• Varðveisla og miðlun menningararfs samkvæmt lögum og reglum
• Frumkvæði að nýjungum og þróun í starfsemi safnanna
• Samstarf við innlenda og erlenda aðila á sviði bóka- og skjalasafna

Við leitum að einstaklingi sem sameinar faglega þekkingu, stjórnunarhæfni og skýra framtíðarsýn.

• Háskólamenntun sem nýtist í starfi (BS/BA)
• Háskólapróf á framhaldsstigi (MA/MS) eða sambærilegt sem nýtist í starfi
• Haldbær starfsreynsla á sviði bóka- og/eða skjalasafna
• Þekking á lögum og reglum sem varða starfsemi safna og stjórnsýslu
• Reynsla og/eða hæfni í stjórnun, skipulagi og rekstri
• Góð færni í ræðu og riti á íslensku og ensku
• Góð tölvukunnátta
• Leiðtogahæfni, frumkvæði og sjálfstæði
• Teymishugsun, samstarfsvilji, lipurð og framúrskarandi hæfni í samskiptum
• Skipulagshæfni, sveigjanleiki og víðsýni
• Áhugi á menningu, þekkingarmiðlun og samfélagsþróun
• Metnaður til að ná árangri í starfi
• Gerð er krafa um vammleysi, svo sem að vera með gott orðspor og að framkoma og athafnir á vinnustað og utan hans samrýmist starfinu.