Laus störf Hæfnileit Vinnustaðir Námskeið

Hnit Artelia

Hnit Artelia er staðsett á Háaleitisbraut 58-60 í Reykjavík. Hjá fyrirtækinu starfa nú tæplega 50 starfsmenn, sem saman móta samheldinn hóp sérfræðinga sem saman takast á við fjölbreytt verkefni. Fyrirtækið er hluti af Artelia Group, sem er alþjóðleg verkfræðistofa með yfir 11.000 starfsmenn, þar af 1.750 á norðurlöndunum. Samstarf og samlegð með skrifstofum erlendis gefur starfsmönnum tækifæri til að koma að spennandi verkefnum á erlendri grundu, og tengjast öðrum starfsstöðvum í verkefnum og þekkingarmiðlun.

Vinnustaðurinn

Fjármálastjóri

Við hjá Hnit Artelia leitum að öflugum og framsýnum fjármálastjóra sem vill taka virkan þátt í að móta framtíð fyrirtækisins.

Um er að ræða lykilstöðu þar sem fjármálastjóri hefur áhrif á ákvarðanatöku og þróun rekstrar, með áherslu á skilvirka fjármálastýringu og upplýsingadrifna ákvarðanatöku.

Fjármálastjóri Hnit Artelia mun vera í nánu samstarfi við samstarfsfólk á Norðurlöndum innan Artelia Group.

Helstu verkefni og ábyrgð

Hlutverk og ábyrgð:

· Ábyrgð á fjárhagslegri stýringu og yfirsýn rekstrar

· Færsla fjárhags- og launabókhalds ásamt yfirumsjón reikningagerðar

· Gerð fjárhagsáætlana, rekstraráætlana og eftirfylgni þeirra

· Ábyrgð á gerð mánaðarlegra fjárhagsskýrslna, þar á meðal þátttaka í mánaðaruppgjöri og lokun bókhalds.

· Uppsetning og miðlun lykilupplýsinga til stjórnenda

· Greining fjárhagsgagna og rekstrar til stuðnings við stefnumótun

· Þróun verkferla með áherslu á sjálfvirknivæðingu og einföldun

· Samstarf við Artelia Group á Norðurlöndum, m.a. varðandi skýrslugerð og samræmingu

Menntunar- og hæfniskröfur

Við leitum að einstaklingi sem

· Hefur menntun á sviði viðskiptafræði, fjármála eða sambærilega menntun sem nýtist í starfi.

· Hefur reynslu af fjármála- og rekstrarstýringu

· Hefur reynslu af notkun á bókhaldskerfum, t.d. DK.

· Hefur reynslu af notkun á PowerBI eða sambærilegu BI-kerfi við framsetningu upplýsinga.

· Hefur sterka greiningarhæfni og góðan skilning á rekstri fyrirtækja

· Hefur áhuga á að nýta gögn, sjálfvirkni og nýjar lausnir til að bæta verklag

· Hefur greiningarhæfni til að tengja saman fjármál, rekstur og stefnu

· Býr yfir góðri samskipta- og samstarfshæfni

· Hefur sjálfstæð og öguð vinnubrögð

· Hefur góða kunnáttu í íslensku og ensku

· Kunnátta í norðurlandatungumáli (dönsku/norsku) er kostur

Það sem gerir starfið spennandi

Þetta er tækifæri fyrir einstakling sem vill fara skrefinu lengra en hefðbundin fjármálastjórnun. Í starfinu gefst kostur á að hafa raunveruleg áhrif á hvernig fyrirtækið nýtir gögn til ákvarðanatöku og hvernig fjármálastjórnun styður við vöxt og þróun.

Fjármálastjóri verður lykilaðili í að þróa vinnulag og verkferla fjármála og reksturs, með það að markmiði að auka sjálfvirkni og losa um tíma fyrir greiningarvinnu og ráðgjöf. Um leið felur starfið í sér klassíska ábyrgð á rekstraryfirsýn og fjármálastýringu, þar sem mikilvægt er að tryggja stöðugleika og áreiðanleika.

Samstarf við Artelia á Norðurlöndum gefur einstakt tækifæri til að vinna með breiðu neti sérfræðinga og taka þátt í þróun sameiginlegra vinnubragða og lausna þvert á lönd. Starfið hentar því einstaklingi sem hefur bæði áhuga á rekstri og vilja til að þróa hann og bæta.

Hnit Artelia er staðsett á Háaleitisbraut 58-60 í Reykjavík. Hjá fyrirtækinu starfa nú um 50 starfsmenn, sem saman móta samheldinn hóp sérfræðinga sem saman takast á við fjölbreytt verkefni. Fyrirtækið er hluti af Artelia Group, sem er alþjóðleg verkfræðistofa með yfir 11.000 starfsmenn, þar af um 1.750 á norðurlöndunum. Samstarf og samlegð með skrifstofum erlendis gefur starfsmönnum tækifæri til að koma að spennandi verkefnum á erlendri grundu, og tengjast öðrum starfsstöðvum í verkefnum og þekkingarmiðlun.

Hnit Artelia býður starfsmönnum sínum upp á uppbyggilegt starfsumhverfi í hópi færustu sérfræðinga, sem saman stuðla að framförum og vexti. Við leggjum áherslu á sálfræðilegt öryggi, þar sem við hjálpumst að við að leysa vandamálin. Vinnustaðurinn leggur áherslu á að styðja vel við starfsfólk sitt og taka tillit til ólíkra aðstæðna. Hnit Artelia vill stuðla að heilbrigðum mörkum milli vinnu og einkalífs, t.d. með sveigjanlegum vinnutíma og fjarvinnumöguleika. Starfsmannafélagið er virkt, með fjölbreyttum viðburðum, oft með mökum og/eða fjölskyldu.

Umsóknarfrestur er til og með 19. ágúst 2026.

Öll áhugasöm eru hvött til að sækja um, óháð uppruna, aldri eða kyni. Við trúum því að fjölbreyttir hópar skili bestu lausnunum. Farið verður með allar fyrirspurnir og umsóknir sem trúnaðarmál.

Nánari upplýsingar veitir Ólafur Daníelsson, aðstoðarframkvæmdastjóri, á [email protected] eða í síma 686 0228.

Auglýsing birt22. júlí 2026

Umsóknarfrestur19. ágúst 2026

Tungumálahæfni

Engar sérstakar tungumálakröfur

Staðsetning

Háaleitisbraut 58-60 58R, 108 Reykjavík

Starfstegund

Vinnuumhverfi

Starfsgreinar

Starfsmerkingar

Sambærileg störf (12)