Deildarstjóri sjúkra- og iðjuþjálfunar

Við leitum að öflugum deildarstjóra fyrir sjúkra- og iðjuþjálfun á Sóltún Sólvangi sem brennur fyrir vellíðan og lífsgæðum íbúa!

Deildarstjóri fer fyrir sjúkra- og iðjuþjálfun og félagsstarfi og ber ábyrgð á faglegu starfi, skipulagningu og þróun þjónustunnar. Viðkomandi vinnur í nánu samstarfi við starfsfólk, íbúa og aðstandendur þeirra við að tryggja einstaklingsmiðaða þjónustu sem stuðlar að bættri andlegri, félagslegri og líkamlegri líðan og færni. Deildarstjóri tilheyrir stjórnendahópi Sóltúns og er um nýtt starf að ræða.