Laus störf Hæfnileit Vinnustaðir Námskeið

Heilsuvernd

Hjá Heilsuvernd og dótturfélögum starfar öflugt teymi sérfræðinga sem sinna fjölbreyttum störfum á sviði heilbrigðisþjónustu. Markmið Heilsuverndar er að hafa jákvæð áhrif á lífsgæði fólks og efla heilbrigði og vellíðan.

Vinnustaðurinn

Iðjuþjálfar óskast til starfa

Vilt þú vera með okkur í spennandi vegferð í nýju þjónustuúrræði fyrir aldraða í glæsilegri starfsstöð Heilsuverndar að Urðarhvarfi 16?

Heilsuvernd óskar eftir að ráða iðjuþjálfa til starfa. Ráðið er í stöðurnar frá og með mars 2026.

Heilsuvernd er ört stækkandi fyrirtæki í heilbrigðisþjónustu sem hefur sérhæft sig í heilsu- og vinnuverndarstörfum, heilsugæsluþjónustu og heilbrigðisþjónustu fyrir aldraða.

Við leitum að einstaklingum sem hafa jákvæðni og góð samskipti að leiðarljósi og eru tilbúnir að takast á við fjölbreytt verkefni í sterku teymi fagfólks undir merkjum Heilsuverndar.

Helstu verkefni og ábyrgð

Tekur þátt í umönnun og þjálfun skjólstæðinga
Skipuleggur og tekur þátt í iðju skjólstæðinga í samvinnu við starfsfólk
Nýtir viðeigandi matstæki, gerir færnimat og skipuleggur íhlutunaráætlun fyrir notendur
Stuðlar að og viðheldur sjálfræði og sjálfstæði notenda og eflir þá til sjálfshjálpar
Veitir ráðgjöf, fræðslu og þjálfun á hjálpartæki til skjólstæðinga og starfsfólks

Menntunar- og hæfniskröfur

Háskólapróf í iðjuþjálfun og starfsleyfi
Reynsla af starfi með öldruðum er æskileg
Jákvætt viðhorf og hæfni í mannlegum samskiptum
Frumkvæði, jákvæðni og samstarfsvilji
Góð samskipta- og skipulagshæfni
Almenn tölvukunnátta.
Góð íslenskukunnátta, bæði talað og skrifað mál

Um fullt starf eða hlutastarf er að ræða eða samkvæmt samkomulagi.

Umsóknum skal fylgja ferilskrá og kynningarbréf ásamt starfsleyfi. Öllum umsóknum verður svarað. Ráðið er í störfin óháð kyni.

Nánari upplýsingar veitir Hanna Guðlaugsdóttir framkvæmdastjóri mannauðs ([email protected]) eða Fríður Brandsdóttir framkvæmdastjóri Heilsuverndar ([email protected]).

Heilsuvernd samstæðan er skipuð sérhæfðu og metnaðarfullu starfsfólki sem leggur áherslu á faglega og framúrskarandi þjónustu. Markmið okkar er að hafa jákvæð áhrif á lífsgæði fólks og efla heilbrigði og vellíðan. Því hver dagur er dýrmætur.

Auglýsing birt16. janúar 2026

UmsóknarfresturEnginn

Tungumálahæfni