Skóla- og frístundaliði - Öldutúnsskóli

Öldutúnsskóli auglýsir eftir skóla- og frístundaliða fyrir skólaárið 2025-2026

Öldutúnsskóli auglýsir eftir drífandi og kraftmiklum skóla- og frístundaliða í 50% starf í frístundaheimilið Selið.

Um er að ræða hlutastarf sem felur í sér stuðning og aðstoð við nemendur í 1. – 4. bekk í frístundaheimilinu Selinu eftir hádegi virka daga frá kl. 13:00 til kl. 17:00. Starfið hentar vel sem aukavinna með námi eða öðru starfi.

Selið býður upp á fjölbreytt tómstundarstarf þar sem áhersla er lögð á að bjóða upp á skipulagðar tómstundir við hæfi hvers og eins. Á skipulagsdögum skólans og virkum dögum í jóla- og páskafríi er frístundaheimilið opið frá kl. 8:00 til kl. 16:30.

Í Öldutúnsskóla er lögð áhersla á skapandi og gefandi námsumhverfi þar sem allir aðilar leitast við að gera námið í senn áhugavert og skemmtilegt. Við leggjum áherslu á góðan starfsanda og fjölbreytta kennsluhætti. Rík áherslu er lögð á teymisvinnu.

Einkunnarorð skólans eru virðing, virkni og vellíðan og grundvallast starf skólans af þeim gildum. Skólinn vinnur samkvæmt hugmyndafræði SMT um jákvæða skólafærni og samkvæmt hugmyndafræði Olweusar gegn einelti og andfélagslegri hegðun.

Í Öldutúnsskóla eru um 620 nemendur í 1. - 10. bekk.

Helstu verkefni og ábyrgð:

• Aðstoðar við faglegt starf með nemendum.
• Starfar samkvæmt leiðsögn frá næsta yfirmanni.
• Stuðlar að góðum aga og jákvæðum samskiptum.
• Tekur þátt í skipulagningu, undirbúningi og framkvæmd á fjölbreyttu tómstundastarfi
• Stuðlar að velferð ungmenna í samstarfi við foreldra og annað fagfólk.
• Leitast við að virkja sem flesta óháð getu eða þroska í fjölbreytt verkefni og taka fullan þátt í þeim verkefnum og viðburðum sem eru skipulögð.
• Önnur verkefni skv. starfslýsingu og sem yfirmaður felur starfsmanni.

Menntunar- og hæfniskröfur:

• Reynsla og áhugi af starfi með börnum og unglingum.
• Lipurð í samskiptum, sveigjanleiki og samstarfshæfni.
• Frumkvæði og sjálfstæði í vinnubrögðum.
• Jákvætt viðmót og góð hæfni í mannlegum samskiptum.
• Áhugi á að starfa í skapandi og metnaðarfullu umhverfi.
• Stundvísi og samviskusemi.
• Góð íslenskukunnátta.

Gerð er krafa um hreint sakavottorð við ráðningu.

Nánari upplýsingar veita Kristján Hans Óskarsson deildarstjóri tómstundamiðstöðvar [email protected] eða í síma 664-5712, Margrét Sverrisdóttir, skólastjóri, [email protected] eða Áslaug Hreiðarsdóttir; [email protected] eða í síma 555-1564

Launakjör eru samkvæmt kjarasamningi Sambands íslenskra sveitarfélaga við STH

Umsóknarfrestur er til 22. ágúst 2025.

Greinargóð ferilsskrá fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.