Deildarstjóri stoðþjónustu og sérdeilda – Lækjarskóli Hafnarfirði

Við auglýsum eftir drífandi og kraftmiklum deildarstjóra til að leiða bæði stoðþjónustu og sérdeildir skólans og taka virkan þátt í skapandi og metnaðarfullu skólastarfi með okkur í Lækjarskóla.

Lækjarskóli á sér sögu allt aftur til ársins 1877 og er staðsettur í fallegu og grónu umhverfi við Lækinn í Hafnarfirði. Nemendur eru um 450 talsins og allir nemendur í 5.–10. bekk hafa aðgang að eigin spjaldtölvu til námsnota. Altækri hönnun náms (UDL)

Einkunnarorð skólans eru ábyrgð, virðing og öryggi. Unnið er samkvæmt SMT-skólafærni þar sem áhersla er lögð á jákvæðan stuðning, uppbyggileg samskipti og öflugt forvarnastarf sem stuðlar að góðum skólabrag og vellíðan allra.

Haustið 2021 hófst innleiðing á Universal Design for Learning (UDL) – aðferðafræði sem byggir á rannsóknum David Rose (Boston Harvard, 1984). UDL stuðlar að því að allir nemendur hafi jafnan aðgang að námi með fjölbreyttum leiðum til að læra og sýna færni sína. Markmiðið er að útrýma hindrunum í námi og efla virkni og áhrif nemenda á eigið nám.

Helstu verkefni og ábyrgð:

• Stýrir daglegu starfi innan stoðþjónustu og sérdeilda
• Annast starfsmannahald á viðkomandi sviðum eftir því sem við á
• Vinnur að þróun skólastarfs í nánu samstarfi við stjórnendur og samstarfsfólk
• Stuðlar að velferð nemenda í samstarfi við foreldra og annað fagfólk
• Tekur þátt í uppbyggingu öflugrar liðsheildar á vinnustaðnum með stjórnendateymi
• Starfar samkvæmt stefnu skólans í SMT-skólafærni
• Önnur verkefni samkvæmt starfslýsingu

Menntun- og hæfniskröfur:

• Kennsluréttindi (leyfisbréf fylgi umsókn)
• Framhaldsmenntun um kennslu nemenda með sérþarfir
• Framhaldsmenntun á sviði stjórnunar og/eða uppeldis- eða kennslufræða er kostur
• Sem víðtækust kennslureynsla í grunnskóla
• Kennslureynsla í sérkennslu og/eða sérdeildum er kostur
• Þekking og/eða reynsla af SMT-skólafærni er æskileg
• Leiðtogahæfni og vilji til að byggja upp sterka og samheldna liðsheild
• Frumkvæði, jákvæðni og brennandi áhugi á að vinna í skapandi og metnaðarfullu umhverfi
• Mjög góð hæfni í mannlegum samskiptum
• Góðir skipulagshæfileikar, sjálfstæði og samviskusemi í vinnubrögðum

Umsóknarfrestur er til og með 22. ágúst n.k.

Skilyrði við ráðningu er að viðkomandi sé með hreint sakavottorð.

Greinargóð ferilskrá og kynningarbréf skulu fylgja umsókn.

Nánari upplýsingar veitir Dögg Gunnarsdóttir, skólastjóri, í síma 664 5877 eða á netfangið [email protected].

Launakjör eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar um að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.