Suðurnesjabær

Suðurnesjabær er næstfjölmennasta sveitarfélagið á Suðurnesjum með um 4.350 íbúa. Mikil uppbygging og gróska er í sveitarfélaginu, m.a. með uppbyggingu nýrra hverfa. Í Suðurnesjabæ eru m.a. tveir grunnskólar, tveir leikskólar, tvær íþróttamiðstöðvar og sundlaugar, bóka- og byggðasafn. Auk þess er ýmis önnur þjónusta og starfsemi á vegum sveitarfélagsins. Suðurnesjabær er heilsueflandi samfélag sem býður uppá nálægð við náttúruna og einstaka strandlengju sem umvefur sveitarfélagið.

About

Starfsmaður í frístundaþjónustu við ungmenni með fötlun

Suðurnesjabær óskar eftir ábyrgum og drífandi einstaklingum í starf við frístundaþjónustu fyrir ungmenni með fötlun. Starfið felur í sér að veita persónulegan stuðning í frístundarúrræði í samræmi við 16. gr. laga nr. 38/2018, þar sem lögð er áhersla á einstaklingsmiðaða þjónustu og virka þátttöku barna og ungmenna í félagslegu lífi, leik og hreyfingu.

Vinnutíminn eftir hádegi alla virka daga strax eftir skóla og á skólafrídögum. Æskilegt er að viðkomandi geti hafið störf sem fyrst.

Helstu verkefni og ábyrgð

Veita persónulegan stuðning við börn og ungmenni með fötlun
Stuðla að virkri þátttöku í félagslífi, leik og hreyfingu
Aðstoða við daglegar athafnir og samskiptaþjálfun
Vinna út frá einstaklingsbundnum þjónustuáætlunum
Taka þátt í undirbúningi, frágangi og skipulagi frístundarstarfs
Koma fram af virðingu, nærgætni og sveigjanleika

Menntunar- og hæfniskröfur

Almenn menntun sem nýtist í starfi
Félagsliðanám eða sambærilegt nám kostur
Reynsla af sambærilegu starfi kostur
Þekking og reynsla af vinnu með börnum/ungmennum með fötlun er æskileg.
Hæfni í mannlegum samskiptum, jákvæð og lausnamiðuð hugsun.
Hæfni til að vinna sjálfstætt og í teymi.
Faglegur metnaður, ábyrgð og frumkvæði í starfi
Góð íslenskukunnátta skilyrði

Samkvæmt lögum um málefni fatlaðra er skilyrði að umsækjendur hafi hreint sakavottorð.

Launakjör eru samkvæmt kjarasamningi Sambands íslenskra sveitarfélaga við viðeigandi stéttarfélag.

Umsóknarfrestur er til og með 24. ágúst 2025. Umsókn óskast fyllt út á heimasíðu sveitarfélagsins www.sudurnesjabaer.is og þarf henni að fylgja starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi.

Áhugasamir einstaklingar, óháð kyni, eru hvattir til að sækja um. Öllum umsóknum verður svarað þegar ákvörðun um ráðningu hefur verið tekin.

Nánari upplýsingar um starfið veita, Guðrún Björg Sigurðardóttir, sviðsstjóri velferðarsviðs [email protected] og Sóley Gunnarsdóttir, teymisstjóri Miðjunnar [email protected] í síma 425-3000.

Advertisement published8. August 2025

Application deadline24. August 2025

Language skills