Hjúkrunarfræðingur á göngudeild innkirtla og efnaskipta
Göngudeild innkirtla og efnaskipta á Landspítala óskar eftir að ráða hjúkrunarfræðing til starfa. Deildin sérhæfir sig í þjónustu við einstaklinga með innkirtlasjúkdóma og leggur áherslu á faglega, persónulega og góða þjónustu.
Starfið felst í að sinna einstaklingum með innkirtlasjúkdóma, aðra en sykursýki. Um getur verið að ræða einstaklinga með ofvirkan skjaldkirtil, sem og sjúkdóma í nýrnahettum eða heiladingli. Að auki sjá hjúkrunarfræðinar um innkirtlarannsóknir þar sem kannað er hvort einstaklingar séu með skort eða offramleiðslu á ákveðnum hormónum.
Við sækjumst eftir hjúkrunarfræðingi sem þrífst á spennandi verkefnum, sýnir þjónustulund, frumkvæði og sjálfstæði í vinnubrögðum auk þess að eiga auðvelt með að vinna í teymi.
Deildin er staðsett í nýuppgerðu húsnæði á Eiríksstöðum, Eiríksgötu 5. Á deildinni starfar öflugt teymi heilbrigðisstarfsfólks með sterka framtíðarsýn á þjónustu við sjúklinga þar sem unnið er eftir gagnreyndri þekkingu. Við leggjum áherslu á gott starfsumhverfi, samvinnu og faglega þróun.
Starfið er laust nú þegar eða eftir nánara samkomulagi. Nýr starfsmaður fær góða aðlögun og stuðning frá reyndum hjúkrunarfræðingum deildarinnar.
Icelandic
