Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Sérfræðilæknir á Sýkla- og veirufræðideild

Laust er til umsóknar starf sérfræðilæknis á sýkla- og veirufræðideild (SVEID) Landspítala. Um er að ræða fjölbreytt sérfræðistarf þar sem áhersla er lögð á faglega þróun, gæði, kennslu og vísindastarf.

Starfshlutfall er 100%, nema að um annað sé samið. Skilyrði er sérfræðimenntun í sýkla- og/ eða veirufræði. Umsækjanda er gefinn kostur á því að starfa annaðhvort á sviði sýklafræði eða veirufræði, eða á báðum sviðum (sem væri æskilegt). Unnið er í dagvinnu og á bakvöktum með viðveru um helgar og á hátíðisdögum. Starfið er laust eftir samkomulagi.

Sýkla- og veirufræðideild Landspítala er þjónustu- og tilvísunarrannsóknastofa fyrir Ísland á sviði bakteríu-, veiru-, sveppa- og sníkjudýrafræði. Deildin vinnur með sóttvarnarlækni og öðrum heilbrigðisstofnunum að bættri lýðheilsu og öflun faraldsfræðilegra gagna. Jafnframt sinnir deildin menntun heilbrigðisstarfsfólks og vísindarannsóknum.

Starfsemi deildarinnar er á tveimur stöðum, í Ármúla 1a og á lóð Landspítala við Barónsstíg.

Á deildinni starfa um 80 einstaklingar, þar af eru nú sjö sérfræðilæknar auk sérfræðilækna í tímavinnu. Fjórir almennir læknar eru nú á deildinni.

Education and requirements

Íslenskt sérfræðileyfi í sýkla- og/eða veirufræði eða uppfyllt skilyrði um íslenskt sérfræðileyfi, sem aflað yrði hið fyrsta

Íslensku- og enskukunnátta

Þekking og reynsla af veirufræði og/ eða bakteríu-, sveppa- og sníkjudýrafræði

Góð samskiptahæfni

Hæfni til að starfa bæði sem hluti af teymum og sjálfstætt

Þekking og reynsla af gæða-, öryggis- og umbótastarfi er æskileg

Reynsla af kennslu og vísindastörfum er æskileg

Responsibilities

Almenn sérfræðilæknisstörf á Sýkla- og veirufræðideild

Þátttaka í faglegri umsjón sérfræðilækna með starfseiningum deildarinnar

Val, þróun og innleiðing nýrra rannsókna- og greiningaaðferða í samráði við yfirlækni og aðra stjórnendur

Frumkvæði og þátttaka í gæðastjórnun

Túlkun og staðfesting rannsóknarniðurstaðna

Almenn ráðgjöf á sviði sýkla- og veirufræði til starfsfólks Landspítala og til annarra stofnana og fagaðila

Þátttaka í vöktum sérfræðilækna (bakvaktir með viðveru á hátíðisdögum og um helgar)

Kennsla og leiðsögn í faginu fyrir heilbrigðisstarfsfólk og nema

Þátttaka í vísindarannsóknum á sviði sýkla- og veirufræði er æskileg

Önnur verkefni sem taka mið af þekkingu og reynslu viðkomandi

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, vísindavinnu, gæðavinnu og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sérfræðilæknir

Tungumálahæfni: Íslenska 2/5, enska 4/5

Staðsetning: Hringbraut, 101 Reykjavík

Nánari upplýsingar

Guðrún Svanborg Hauksdóttir

Tölvupóstur: [email protected]

Advertisement published2. October 2026

Application deadline26. October 2026

Language skills

English

Required

Advanced

Icelandic

Required

Basic skills

Type of work

Professions

Job Tags

Other jobs (20)