Sérfræðingar í kvensjúkdóma- og fæðingalækningum
Lausar eru til umsóknar tvær stöður sérfræðilækna í fæðinga- og kvensjúkdómalækningum við kvennadeild Heilbrigðisstofnunar Vesturlands á Akranesi. Starfshlutfall er 60-90% og hægt að hafa samkomulag um upphaf starfstíma. Um er að ræða fjölbreytt starf á líflegum vinnustað þar sem boðleiðir eru stuttar og tækifæri til að taka virkan þátt í faglegri þróun, gæðastarfi og öflugri teymisvinnu.
Um starfseininguna
Á deildinni starfar samstilltur hópur sérfræðilækna í nánu samstarfi við aðrar fagstéttir þar sem lögð er áhersla á þverfaglega samvinnu. Fjölbreytt og öflug starfsemi á sviði kvensjúkdómaaðgerða fer fram á skurðstofum flesta daga vikunnar. Veitt er sérhæfð fæðingaþjónusta þar sem konur geta fætt við fullar 37 vikur. Aðgangur er að skurðstofum þar sem svæfingalæknar eru á vakt allan sólarhringinn. Svæfingalæknar HVE eru þjálfaðir í meðferð nýbura og starfa í góðri samvinnu við nýburalækna á Vökudeild Landspítala.
- Fæðingaþjónusta og mæðravernd
- Göngudeildarþjónusta
- Skurðaðgerðir
- Vaktþjónusta á fæðinga- og kvensjúkdómadeild
- Þátttaka í gæðastarfi og faglegri þróun
- Þáttaka í kennslu heilbrigðisstétta og þjálfun sérnámslækna og önnur sérverkefni í samráði við yfirlækni
- Sérfræðiviðurkenning í kvensjúkdóma- og fæðingalækningum og gilt starfsleyfi frá Embætti landlæknis
- Bakvaktarfærni
- Góð samskiptahæfni, frumkvæði og faglegur metnaður
- Jákvæðni, lipurð og áreiðanleiki í starfi
- Æskilegt að hafa góða íslensku- og enskukunnáttu
Icelandic
English
