Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Háskólamenntaður starfsmaður á erfða- og sameindalæknisfræðideild/ tímabundin starf til eins árs

Við leitum eftir jákvæðum, sjálfstæðum og metnaðarfullum einstaklingi til starfa á erfða- og sameindalæknisfræðideild. Deildin heyrir undir rannsóknarþjónustu og þar fara fram greiningar, vísindarannsóknir, ráðgjöf og kennsla heilbrigðisstétta í faginu. Starfið er tímabundið til eins árs og er upphaf starfa samkomulag en æskilegt er að umsækjandi geti hafið störf sem fyrst.

Á deildinni starfa um 45 einstaklingar í öflugu þverfaglegu teymi. Góður starfsandi er ríkjandi sem einkennist af vinnugleði og metnaði og markvisst er unnið að umbótum á deildinni. Við tökum vel á móti nýju samstarfsfólki og veitum góða einstaklingshæfða aðlögun. Vinnutími er frá kl. 8-16, virka daga og einnig er bakvakt um helgar.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Education and requirements

Háskólapróf í náttúrufræði, lífeindafræði, lífefnafræði, líffræði eða sambærilegum greinum

Eins árs starfsþjálfun á sérhæfðum rannsóknarstofum heilbrigðisstofnana eða framhaldsmenntun í greinum heilbrigðisvísinda

Sérmenntun og/eða starfsreynsla á sviði litningarannsókna æskileg

Reynsla af vinnu við klínískar rannsóknir í erfðafræði æskileg

Íslenskt starfsleyfi náttúrufræðings eða lífeindafræðings í heilbrigðisþjónustu æskilegt

Góð almenn tölvukunnátta

Góð skipulagshæfni, frumkvæði, sjálfstæði og öguð vinnubrögð

Jákvætt viðmót, lipurð í samskiptum og fagleg framkoma

Hæfni til að starfa í teymi

Góð íslensku- og enskukunnátta bæði í mæltu og rituðu máli

Responsibilities

Þjónusturannsóknir í litningarannsóknum og önnur verkefni tengd starfsemi deildarinnar

Skil á svörum samkvæmt stöðluðum aðferðalýsingum og viðeigandi verklagsreglum

Að stuðla að faglegu starfi, gæðum og framförum í rannsóknum innan deildarinnar

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi, ef við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Náttúrufræðingur, lífeindafræðingur, rannsóknir, heilbrigðisvísindi, teymisvinna

Tungumálahæfni: íslenska 4/5, enska 4/5

Nánari upplýsingar

Eiríkur Briem, [email protected],

Erfða- og sameindalæknisfræðideild

Skógarhlíð 12

105 Reykjavík

Advertisement published7. August 2025

Application deadline18. August 2025

Language skills

Icelandic

Required

Advanced

English

Required

Advanced

Location

Skógarhlíð 12, 105 Reykjavík

Type of work

Professions

Job Tags

Other jobs (50)

Háskólamenntaður starfsmaður í náttúruvísindum á Sýkla- og veirufræðideild