Viðgerðarmaður á verkstæði Verkfærasölunnar í Síðumúla

Við leitum að þjónustulunduðum og lausnamiðuðum einstaklingi í stöðu viðgerðarmanns á verkstæði sem sérhæfir sig í viðgerðum og viðhaldi á rafmagns-, loft- og handverkfærum. Starfið felur í sér greiningu, viðgerðir, prófanir og skráningar á viðgerðum ásamt almennri þjónustu við viðskiptavini.

Verkfærasalan er framsækið fyrirtæki sem var stofnað árið 1997 og rekur þrjár verslanir; í Reykjavík, Kópavogi og á Akureyri. Við flytjum inn vélar og verkfæri fyrir allar greinar iðnaðar og einstaklinga m.a frá Milwaukee, Ryobi, Yato, Hultafors og Telwin.