Skrifstofa Alþingis

Hlutverk skrifstofu Alþingis er að styðja við starfsemi Alþingis svo að þingið og þingmenn geti sinnt hlutverkum sínum samkvæmt stjórnarskrá og lögum. Meginverkefni skrifstofunnar eru að vera forseta til aðstoðar, framfylgja ákvörðunum hans og forsætisnefndar auk ákvarðana á fundi forseta með þingflokksformönnum. Enn fremur að veita alþingismönnum, nefndum og þingflokkum faglega aðstoð og þjónustu, að hafa á hendi almennan rekstur þingsins og stjórnsýslu og að varðveita og miðla upplýsingum um hlutverk og starfsemi Alþingis.

Vinnustaðurinn

Við leitum að hæfileikabúnti í öflugt teymi skrifstofu Alþingis

Skrifstofa Alþingis leitar að ábyrgum og framsýnum ritara til að aðstoða forseta Alþingis og skrifstofustjóra í daglegum störfum. Starfið felur í sér fjölbreytt sérfræðiverkefni sem tengjast skipulagi, samhæfingu og eftirfylgni ákvarðana auk ritaraþjónustu.

Þessi staða krefst hæfni til að halda yfirsýn á erilsömum vinnustað, samhæfa dagskrár og miðla upplýsingum á hnitmiðaðan hátt. Við leitum að skeleggum og skipulögðum einstaklingi með góða nærveru, hæfileika til að lesa í aðstæður og auga fyrir umbótum í verklagi. Þetta er nýtt starf í mótun sem býður upp á mörg tækifæri. Staðan heyrir undir skrifstofustjóra Alþingis.

Helstu verkefni og ábyrgð

Öflugur tengiliður forseta og skrifstofustjóra, innan sem utan skrifstofu Alþingis
Aðstoð við eftirfylgni ákvarðana og verkefna á vegum framkvæmdastjórnar
Umsjón stjórnsýsluverkefna
Gerð samantekta, ritun fundargerða og skipulag gagna og upplýsinga
Yfirlestur texta og aðstoð við framsetningu efnis, m.a. glærukynninga og minnisblaða
Skipulag funda, fundaboðanir og samhæfing dagatala
Þátttaka í skipulagi viðburða með viðburðateymi
Önnur verkefni sem tengjast starfsemi skrifstofu Alþingis

Menntunar- og hæfniskröfur

Nám á háskólastigi sem nýtist í starfi
Farsæl reynsla af sambærilegu starfi, kostur ef hún er innan stjórnsýslu
Framúrskarandi skipulagsfærni og frumkvæði í störfum
Lipurð í samskiptum, við innlenda sem erlenda aðila
Traust og trúnaður í samskiptum og við meðferð upplýsinga
Seigla, þolgæði og geta til að halda ró og yfirvegun þegar mikið liggur við
Mjög gott vald á íslensku, sérstaklega í framsetningu texta, auk mjög góðrar enskukunnáttu
Leikni í notkun og innleiðingu tæknilausna sem létta dagleg störf

Laun samkvæmt gildandi kjarasamningi sem forseti Alþingis og Félag starfsmanna Alþingis hafa gert.

Umsókn skal fylgja ferilskrá og kynningarbréf þar sem umsækjandi rökstyður hæfni sína í starfið. Umsókninni skal einnig fylgja staðfesting á prófgráðum og upplýsingar um umsagnaraðila. Umsóknir gilda í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir. Eingöngu verður tekið við umsóknum í ráðningarkerfi Orra.

Starfið hentar öllum kynjum og áhugasöm eru hvött til að sækja um. Gildi skrifstofu Alþingis eru fagmennska, virðing og framsækni.

Nánari upplýsingar veitir: 

Sverrir Jónsson skrifstofustjóri Alþingis, í síma 563-0500 eða [email protected]

Ingibjörg Jónsdóttir verkefnastjóri á mannauðs- og þróunarsviði, í síma 563-0500 eða [email protected]

Auglýsing birt8. september 2025

Umsóknarfrestur18. september 2025

Tungumálahæfni