Verkefnastjóri í endurheimt votlendis

Land og skógur auglýsir eftir verkefnastjóra í umfangsmikið og spennandi verkefni við endurheimt votlendis á Vesturlandi sem er styrkt af Endangered Landscapes and Seascapse Programme (ELSP). Verkefnið er til eins árs.

Hlutverk verkefnastjóra er að vinna að undirbúningi endurheimtar votlendis sem felst fyrst og fremst í samskiptum og upplýsingargjöf til landeiganda og annarra hagaðila. Í verkefninu felst meðal annars vinna við skipulag og samskipti við aðra samstarfsaðila verkefnisins, umsjón með samskiptum og fræðslu til hagaðila auk skráningar og upplýsingagjafar um framgang og árangur verkefnisins.

Land og skógur er með starfstöðvar víða um land en viðkomandi verkefni eru á vesturlandi og því er æskilegt að umsækjandi verði með starfstöð á vestur- eða suðvesturlandi.

Land og skógur er þekkingar- og þjónustustofnun sem hefur það meginmarkmið að bæta gróður- og jarðvegsauðlindir þjóðarinnar, stuðla að sjálfbærri landnýtingu, vakta og hafa yfirsýn, draga úr losun og stuðla að bindingu kolefnis og virkja og fræða almenning og hagsmunaaðila um gróður- og jarðvegsvernd, sjálfbæra nýtingu lands, uppbyggingu og endurheimt vistkerfa, skóga og skógrækt. Stofnunin starfar samkvæmt lögum um landgræðslu nr. 155/2018 og lögum um skóga og skógrækt nr. 3/2019.