Laus störf Hæfnileit Vinnustaðir Námskeið

FSRE

Framkvæmdasýslan - Ríkiseignir (FSRE) er opinber stofnun sem hefur það hlutverk að þróa og reka aðstöðu á vegum ráðuneyta, stofnana og annarra ríkisaðila með hagkvæmum, vistvænum og ábyrgum hætti. FSRE ber ábyrgð á skipulagningu, þróun, nýtingu og rekstri fasteigna í eigu íslenska ríkisins. Fasteignasafn ríkisins er eitt af stærstu fasteignasöfnum landsins með um 530 þúsund fermetrum húsnæðis. Stofnunin leigir þar að auki um 100 þúsund fermetra húsnæðis á almennum markaði til framleigu fyrir stofnanir og ráðuneyti. Jarðasjóður, sem einnig er hluti af FSRE, heldur utan um eignarhald og umsýslu á um 380 jörðum og jarðeignum ríkisins með það að markmiði að nýta land og auðlindir á ábyrgan og sjálfbæran hátt. Um þessar mundir vinnum við að um 130 þróunarverkefnum sem snerta flest svið mannlífsins; s.s. heilbrigðis- og velferðarmál, menningu, menntun, löggæslu, dómskerfi, náttúru og friðlýst svæði. Framundan eru spennandi tímar í þróun sameinaðrar stofnunar. Við leitum því að jákvæðu og drífandi fólki sem hefur brennandi áhuga á að taka þátt í vegferðinni með okkur.

Vinnustaðurinn

Verkefnastjórar á framkvæmdasviði

Hjá Framkvæmdasýslunni-Ríkiseignum (FSRE) leiða verkefnastjórar framkvæmdir sem móta aðstöðu m.a. fyrir heilbrigðisþjónustu, menntun, löggæslu, menningu og náttúruvernd um allt land. Nú leitum við að metnaðarfullum og lausnamiðuðum verkefnastjórum í öflugan hóp á framkvæmdasviði. Verkefnin eru af ólíkri stærð og flækjustigi, og ábyrgð og umfang taka mið af reynslu hvers og eins. Því eiga bæði verkefnastjórar sem eru að byggja upp reynslu sína og reyndir verkefnastjórar erindi í hópinn.

Sem verkefnastjóri leiðir þú fjölbreytt verkefni frá hönnun til afhendingar mannvirkja, allt frá nýbyggingum og endurbótum á húsnæði ríkisins til uppbyggingar ofanflóðavarna og náttúruinnviða. Meðal stærri verkefna sviðsins um þessar mundir eru nýtt öryggisfangelsi, verknámshús Fjölbrautaskólans í Breiðholti og ný hjúkrunarheimili að Ási, við Nauthólsveg og á Húsavík.

Helstu verkefni og ábyrgð

Verkefnastjórn í mannvirkjagerð á stigi hönnunar og/eða framkvæmda, með fjárhagslega og stjórnunarlega ábyrgð verkefna

Gerð þarfa- og kostnaðargreininga og kostnaðar- og tímaáætlana

Umsjón með útboðsferli framkvæmdaverkefna

Mat á viðhalds- og endurbótaþörf fasteigna í samráði við önnur svið FSRE

Þátttaka í þróun lausna í samstarfi við aðra sérfræðinga innan og utan stofnunarinnar

Þátttaka í framþróun verkefnastjórnunar, sem og annarra umbótaverkefna

Yfirferð og samþykkt reikninga

Samskipti við verktaka, hönnuði, birgja og notendur vegna framkvæmda og hönnunar

Menntunar- og hæfniskröfur

Háskólamenntun sem nýtist í starfi

Menntun, vottun eða reynsla í verkefnastjórn

Framúrskarandi samskipta- og samstarfshæfni og rík hæfni í teymisvinnu

Frumkvæði, metnaður, skipulagsfærni og öguð, þjónustumiðuð vinnubrögð

Geta til að vinna undir álagi og halda utan um mörg verkefni samtímis

Góð tök á Microsoft 365 (t.d. Word, Excel og PowerPoint)

Góð tök á Microsoft Project
Góð íslensku- og enskukunnátta og hæfni í tjáningu í ræðu og riti

Eftirfarandi telst til kosta

Menntun á sviði mannvirkjagerðar (t.d. verk-, tækni-, byggingafræði eða arkitektúr)

Reynsla af hönnun og/eða verklegum framkvæmdum

Þekking á upplýsingalíkönum (BIM)

Þekking eða reynsla af opinberri stjórnsýslu

Þekking á stafrænni þróun

Fríðindi í starfi

Hvað við bjóðum

Verkefnamiðað vinnuumhverfi og sveigjanlegan vinnutíma

Fjölbreytt og krefjandi verkefni sem snerta flest svið samfélagsins

Stuðning við þekkingaröflun og starfsþróun, meðal annars í gegnum alþjóðlegt tengslanet

Fjölskylduvænan vinnustað þar sem lögð er áhersla á jafnrétti og góða vinnustaðamenningu

Um FSRE

FSRE annast fasteignir og jarðir ríkisins, öflun húsnæðis og stýrir framkvæmdum við breytingar, endurbætur og nýbyggingar, með það að leiðarljósi að afla góðs en hagkvæms húsnæðis í allra þágu. Stofnunin heldur utan um stærsta fasteignasafn landsins, 530 þúsund m² húsnæði í 380 eignum auk um 300 jarða og landsvæða. Hjá FSRE starfa um 70 sérfræðingar með breiða þekkingu á sviði fasteignaumsýslu, framkvæmda og eignastýringar.

Umsókn

Um fullt starf er að ræða. Laun eru samkvæmt gildandi kjarasamningi viðkomandi stéttarfélags og fjármála- og efnahagsráðherra fyrir hönd ríkissjóðs. Áhugasamir einstaklingar, óháð kyni, eru hvattir til að sækja um.

Umsóknarfrestur er til og með 14. ágúst 2026. Æskilegt er að viðkomandi geti hafið störf sem fyrst. Umsókn óskast fyllt út á Starfatorgi og þarf henni að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið. Umsóknir geta gilt í sex mánuði frá birtingu auglýsingar, sbr. reglur nr. 1000/2019 um auglýsingar lausra starfa. Öllum umsóknum verður svarað að ráðningu lokinni.

Nánari upplýsingar veita Inga Hanna Guðmundsdóttir, mannauðsstjóri ([email protected]) og Valur Indriði Örnólfsson, framkvæmdastjóri framkvæmdasviðs ([email protected])

Auglýsing birt4. ágúst 2026

Umsóknarfrestur14. ágúst 2026

Tungumálahæfni