Laus störf Hæfnileit Vinnustaðir Námskeið

Hreyfing

Hreyfing er metnaðarfullur heilsuklúbbur með fjölbreytt teymi fagfólks sem sameinast um að skapa framúrskarandi upplifun, góða orku og lifandi samfélag. Hreyfing hefur um árabil byggt upp sterka sérstöðu með fjölbreyttu framboði hóptíma, námskeiða, þjálfunar og vellíðunar þar sem gæði, fagmennska og upplifun eru í fyrirrúmi. Við leggjum mikla áherslu á að skapa umhverfi þar sem fólki líður vel, finnur hvatningu og hefur tækifæri til að rækta bæði heilsu og vellíðan. Hreyfing er staður þar sem fólk kemur ekki bara til að æfa heldur til að hlaða lífsins batterí, tilheyra samfélagi og eiga góða stund í dagsins önn. Menning Hreyfingar byggir á metnaði, jákvæðni, fagmennsku og góðri liðsheild. Við trúum því að framúrskarandi upplifun verði til í gegnum sterkt teymi, lifandi menningu og starfsfólk sem hefur brennandi áhuga á því sem það gerir. Við leggjum áherslu á frumkvæði, þróun og stöðuga framþróun og viljum vera leiðandi þegar kemur að nýjungum, upplifun og gæðum í heilsurækt. Hjá Hreyfingu starfar öflugur hópur fólks sem vill hafa áhrif, þróast í starfi og taka þátt í að byggja áfram upp fyrsta flokks heilsuklúbb með skýra sýn til framtíðar.

Vinnustaðurinn

Umsjónarmaður hóptíma, þjálfunar og þróunar

Umsjónarmaður hóptíma, þjálfunar og þróunar ber ábyrgð á þróun, skipulagi og gæðum alls þjálfunarframboðs Hreyfingar, ásamt því að leiða öflugan hóp þjálfara. Starfið felur í sér að móta fjölbreytt og framúrskarandi framboð hóptíma, námskeiða og annarrar þjálfunar með skýra áherslu á upplifun, fagmennsku og framþróun.

Markmið starfsins er að tryggja framúrskarandi upplifun og árangur meðlima með öflugri liðsheild, sterkri gæðamenningu og stöðugri þróun þjónustunnar. Umsjónarmaður hóptíma, þjálfunar og þróunar er leiðtogi og fyrirmynd innan hópsins; faglegur, drífandi og metnaðarfullur einstaklingur með brennandi áhuga á heilsu, þjálfun og nýsköpun.

Helstu verkefni og ábyrgð

Þróun, skipulag og utanumhald þjálfunar

Ábyrgð á þróun, skipulagi og uppsetningu þjálfunarframboðs Hreyfingar
Hönnun og stöðug þróun tímatöflu hóptíma og námskeiða út frá eftirspurn, nýtingu og stefnu Hreyfingar
Tryggja fjölbreytt, spennandi og framúrskarandi framboð í takt við þarfir meðlima og þróun í heilsuræktargeiranum
Greina nýtingu, þátttöku og ánægju meðlima og nýta gögn til umbóta og þróunar
Umsjón með bakendakerfum, aðstöðu, búnaði og öðrum kerfum sem tengjast þjálfun
Kostnaðarstýring og ábyrgð á rekstrarmarkmiðum

Þróun og nýsköpun

Leiða þróun nýrra tíma, námskeiða og þjónustuleiða
Fylgjast vel með nýjum stefnum og trendum í heilsuræktargeiranum og innleiða reglulega spennandi nýjungar sem auka upplifun og árangur meðlima
Vinna með öðrum teymum að innleiðingu, kynningu og áframhaldandi þróun
Skipuleggja viðburði, áskoranir og verkefni sem efla þátttöku, upplifun og samfélag innan Hreyfingar

Þjálfarahópur og menning

Leiða, efla og þróa öflugan hóp þjálfara og skapa sterka liðsheild
Ráðningar, móttaka og þjálfun nýrra þjálfara
Handleiðsla, stuðningur og regluleg endurgjöf til þjálfarahóps
Skipulag fræðslu, vinnustofa og fagþróunar innan hópsins, stuðla að faglegum vexti
Hlúa að metnaðarfullri, jákvæðri og faglegri menningu og góðum starfsanda
Reglulegir fundir með þjálfarahópnum til að virkja hópinn, leyfa styrkleikum að njóta sín og þróa framboð sameiginlega
Umsjón með skipulagi, samningum og utanumhaldi launamála

Gæðastjórnun

Byggja upp og viðhalda skýrum gæðastöðlum í allri þjálfun
Framkvæma gæðaúttektir, greina endurgjöf og nýta til stöðugra umbóta
Tryggja framúrskarandi upplifun meðlima í snertiflötum þjálfunar
Fylgjast með árangri og ánægju (m.a. NPS) og bregðast við með umbótum

Þjálfun

Taka virkan þátt í þjálfun á hóptímum og námskeiðum
Leiðandi fyrirmynd í þjálfun

Menntunar- og hæfniskröfur

Grunnnám á háskólastigi í íþróttafræði, sjúkraþjálfun eða virk og gild þjálfaravottun (t.d. REPS, REPs Iceland, ACE, NASM, AFAA, Les Mills eða sambærileg alþjóðleg vottun)
Minnst 3–5 ára reynsla af hóptímaþjálfun og/eða kennslu innan heilsuræktargeirans
Reynsla af leiðtogahlutverki, verkefnastjórnun eða teymisstjórnun er kostur
Sterk þekking og áhugi á heilsu, hreyfingu og þróun í heilsuræktargeiranum
Framúrskarandi skipulags- og samskiptahæfni
Hæfni til að vinna sjálfstætt, fylgja verkefnum eftir og drífa áfram
Góð almenn tölvu- og kerfakunnátta

Við leitum að einstaklingi sem:

Hefur brennandi áhuga á þjálfun, þjónustu og framúrskarandi upplifun
Er drífandi, metnaðarfullur og tekur frumkvæði
Hefur sterka leiðtogaeiginleika og nær að hvetja fólk áfram
Er jákvæður liðsfélagi sem byggir upp sterka menningu og góðan starfsanda
Hefur auga fyrir gæðum, smáatriðum og upplifun meðlima
Fylgist vel með trendum og þróun í bransanum og hefur áhuga á nýsköpun
Er lausnamiðaður og nær að keyra hugmyndir áfram í framkvæmd
Er fagleg fyrirmynd og hefur góða nærveru í samskiptum

Hreyfing hefur um árabil byggt upp sérstöðu sína með fjölbreyttu, þéttu og framúrskarandi úrvali hóptíma og námskeiða þar sem fagmennska, upplifun og gæði eru í fyrirrúmi. Mikilvægur hluti starfsins er að fylgjast stöðugt með nýjum stefnum og þróun í heilsuræktargeiranum og tryggja að Hreyfing sé áfram leiðandi þegar kemur að spennandi nýjungum, gæðum í framkvæmd og öflugu fagfólki. Við leggjum áherslu á að skapa lifandi og metnaðarfullt umhverfi þar sem meðlimir finna fyrir góðri orku, árangri og hvatningu í hverri heimsókn.

Við leitum að einstaklingi með brennandi áhuga á heilsu, þjálfun og framúrskarandi þjónustu. Aðila sem sér tækifæri, tekur frumkvæði og hefur drifkraft til að leiða breytingar áfram – bæði í daglegum rekstri og í stærri þróunarverkefnum. Þetta er einstakt tækifæri til að móta og þróa einn mikilvægasta þjónustuþátt Hreyfingar, þétta og efla öflugan þjálfarahóp og byggja áfram á sterkum grunni með skýra sýn til framtíðar.

Nánari upplýsingar veitir Andrea Karlsdóttir, forstöðumaður þjónustu, upplifunar og viðskiptaþróunar, [email protected]

Auglýsing birt13. maí 2026

UmsóknarfresturEnginn

Tungumálahæfni