Starfsmaður í Smart líkamsrækt, Sunnuhlíð

Við leitum eftir einstaklingum til starfa í Smart líkamsrækt Sunnuhlíð þar sem boðið er upp á frábæra aðstöðu til heilsueflingar fyrir 60 ára og eldri.

Starfið hentar vel fyrir einstaklinga sem stunda nám í sjúkraþjálfun eða íþróttafræði eða hafa annars konar bakgrunn og áhuga sem tengist hreyfingu. Um er að ræða 25% starfshlutfall og æskilegt er að viðkomandi geti hafið störf upp úr miðjum maí en annars eftir samkomulagi. Unnið er mánudaga og fimmtudaga (kl. 15.00 - 18.00), annan hvern þriðjudag (15.00 – 18.00) og annan hvern laugardag (9.00 – 12.00).

Starfið felur í sér að taka á móti gestum Smart líkamsræktar og vera þeim innan handar við æfingar í tækjasal, setja upp æfingaprógrömm og kenna á tækin. Í starfinu felst einnig umsjón með hóptímum eða einstaklingsmiðaðri þjálfun, auk daglegra verkefna svo sem tímabókana, símsvörunar, sölu á líkamsræktarkortum og frágangs.

Við leggjum áherslu á jákvæð samskipti, fagleg vinnubrögð og góðan liðsanda og hvetjum áhugasama til að senda okkur umsókn.

Helstu verkefni:

• Móttaka og aðstoð við gesti í Smart líkamsrækt

• Gerð æfingaáætlana

• Hópþjálfun og/eða einstaklingsmiðuð þjálfun

• Kennsla á æfingatæki

• Önnur störf sem viðkoma líkamsræktinni

Menntunar- og hæfniskröfur:

• Nám eða reynsla sem tengist hreyfingu

• Góð færni í mannlegum samskiptum

• Jákvæðni og sveigjanleiki

• Gott vald á íslensku

Upplýsingar:

Kristín Harðardóttir, deildarstjóri sjúkraþjálfunar, veitir frekari upplýsingar um starfið á [email protected] eða í síma 854 8972.

Frekari upplýsingar um Smart líkamsrækt Sunnuhlíð er að finna á https://vigdisarholt.is/sunnuhlid-smartlikamsraekt/