Laus störf Hæfnileit Vinnustaðir Námskeið

Vinnueftirlitið

Hjá Vinnueftirlitinu starfar metnaðarfullur og samheldinn hópur sem leggur áherslu á að ná fram því markmiði að öll komi heil heim úr vinnu. Við leitumst við að vera fyrirmyndarvinnustaður á sviði vinnuverndar og viljum að fagþekking starfsfólks sé eftirsótt til ráðgjafar í íslensku atvinnulífi. Við störfum saman í fagteymum og höfum skilvirka og vandaða stjórnsýslu að leiðarljósi. Vinnueftirlitið býður fjölskylduvænt starfsumhverfi, samkeppnishæf starfskjör og tækifæri til að þróast og þroskast í starfi.

Vinnustaðurinn

Viltu taka þátt í að stuðla að heilbrigðri vinnustaðamenningu á vinnustöðum landsins?

Við leitum að einstaklingi til að ganga til liðs við teymi sérfræðinga í vettvangsathugunum og stafrænum samskiptum.Við leggjum ríka áherslu á heilbrigða vinnustaðamenningu þar sem áhersla er á góð samskipti og lausnarmiðað og jákvætt hugarfar starfsfólks. Saman stuðlum við að bættri vellíðan og öryggi á vinnumarkaði.

Um er að ræða 100% starf með starfsstöð í Reykjavík. Starfið felst í að sinna vettvangsathugunum og stafrænum samskiptum að mestu á stórhöfuðborgarsvæðinu en einnig geta komið til verkefni á öðrum landsvæðum. Viðkomandi er mikið á ferðinni og í einhverjum tilfellum geta verið lengri ferðir.

Helstu verkefni og ábyrgð

Þátttaka í skipulagningu og framkvæmd vettvangsathugana og stafrænna samskipta
Skýrslugerð vegna eftirlits og eftirfylgni með fyrirmælum
Leiðbeiningar til atvinnurekenda og starfsfólks um góða vinnuvernd með áherslu á forvarnir og heilbrigða vinnustaðamenningu
Þátttaka í teymisvinnu
Þátttaka í umbótastarfi og verkefnum sem tengjast starfinu
Önnur tilfallandi verkefni

Menntunar- og hæfniskröfur

Iðn- eða háskólamenntun sem nýtist í starfi
Þekking eða reynsla af áhrifum vinnu á stoðkerfi starfsfólks er kostur
Þekking eða reynsla af áhrifum sálfélagslegs vinnuumhverfis á líðan fólks er kostur
Reynsla af vinnuverndar- og öryggisstörfum er kostur
Sjálfstæð og skipulögð vinnubrögð, auk frumkvæðis til að fylgja málum eftir
Góð samskiptahæfni og rík þjónustulund
Lausnarmiðuð nálgun og geta til að takast á við fjölbreytt verkefni með jákvæðu hugarfari
Góð íslensku- og enskukunnátta skilyrði
Hreint sakarvottorð
Ökuréttindi

Vinnueftirlitið leggur sig fram við að skapa góðan vinnustað með heilbrigða vinnustaðamenningu þar sem áhersla er á traust, samvinnu, forvarnir og árangur. Markmiðið er að stuðla að vellíðan og öryggi starfsfólks þannig að öll komi heil heim.

Laun eru samkvæmt kjarasamningum opinbers starfsfólks. Við bjóðum fjölskylduvænt starfsumhverfi og tækifæri til að þróast og þroskast í starfi.

Umsókn skal fylgja ferilskrá með upplýsingum um umsagnaraðila sem og kynningarbréf þar sem gerð er grein fyrir ástæðu umsóknar og rökstudd hæfni viðkomandi. Jafnframt skal leggja fram staðfestar upplýsingar um menntun.

Umsóknarfrestur er til og með 12. maí næstkomandi.

Tekið skal fram að umsóknir geta gilt í sex mánuði frá því að umsóknarfrestur rennur út og öllum umsóknum verður svarað.

Vinsamlegast sækið um á alfred.is og hvetjum við öll áhugasöm til að sækja um.

Nánari upplýsingar veita Bergrún Lilja Sigurjónsdóttir, sviðsstjóri fólks, upplýsinga og þróunar ([email protected]) og Heimir Guðmundsson, sviðsstjóri sviðs vinnuverndar ([email protected])

Nánari upplýsingar um stofnunina má á www.vinnueftirlit.is. 

Auglýsing birt28. apríl 2026

Umsóknarfrestur12. maí 2026

Tungumálahæfni