Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Umhverfis- og framkvæmdasvið - Sérfræðingur í hönnun og verkefnastýringu

Reykjanesbær leitar að öflugum og lausnamiðuðum sérfræðingi í hönnun og verkefnastýringu til að starfa í fjölbreyttu og spennandi starfsumhverfi. Starfið felur í sér ábyrgð á AutoCAD-vinnu og verkefnastjórnun tengdri hönnunar- og framkvæmdaverkefnum ásamt þróun innri verkferla og gæðakerfa Fráveitunnar.

Reykjanesbær er ört vaxandi sveitarfélag þar sem fjölbreytt verkefni og nýsköpun eru í forgrunni. Gildi Reykjanesbæjar eru virðing, eldmóður og framsækni og er mikilvægt að viðkomandi endurspegli þau gildi í sínum störfum.

Helstu verkefni og ábyrgð

Tæknileg útfærsla og teiknivinna í Autodesk-umhverfi.
Verkefnastýring og samræmingu CAD hönnunargagna fráveitu Reykjanesbæjar
Samskipti við hönnuði, ráðgjafa og verktaka.
Aðstoð við mótun stefnu og verklags í tæknilegum málum.
Þátttaka í undirbúningi og eftirfylgni með verkáætlunum.

Menntunar- og hæfniskröfur

Háskólamenntun á sviði verkfræði, tæknifræði eða sambærilegrar greinar (lágmark B.Sc.).
Reynsla af Autodesk.
Þekking á íslenskum stöðlum, lögum og reglum sem tengjast hönnun og framkvæmdum er kostur.
Reynsla af verkefnastjórnun og skipulagi í fjölbreyttu samstarfi.
Góð færni í samskiptum, skipulagi og sjálfstæðri vinnu.
Mjög góð íslensku- og enskukunnátta í rituðu og töluðu máli.

Fríðindi í starfi

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Um 100% starf er að ræða og æskilegt er að viðkomandi geti hafið störf sem fyrst eða eftir samkomulagi. Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um á vef Reykjanesbæjar, www.reykjanesbaer.is, undir Laus störf. Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið, auk upplýsinga um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Aron Heiðar Steinsson, netfang [email protected].

Auglýsing birt10. september 2025

Umsóknarfrestur15. september 2025

Tungumálahæfni