Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Umhverfis- og framkvæmdasvið - Starfsmaður framkvæmda

Reykjanesbær leitar að skipulögðum og sjálfstæðum verkefnastjóra til starfa við fjölbreytt verkefni í fráveitu bæjarins. Starfið hentar einstaklega vel þeim sem kunna vel við sig úti á vettvangi, hafa góða samskiptahæfni og áhuga á framkvæmdum og tæknilausnum.

Reykjanesbær er ört vaxandi sveitarfélag þar sem fjölbreytt verkefni og nýsköpun eru í forgrunni.

Gildi Reykjanesbæjar eru virðing, eldmóður og framsækni og er mikilvægt að viðkomandi endurspegli þau gildi í sínum störfum.

Helstu verkefni og ábyrgð

Dagleg samskipti og samstarf við verktaka sem sinna framkvæmdum á vegum fráveitu
Þátttaka í verkfundum, eftirfylgni með verkáætlunum og lausn verkefna sem upp koma
Eftirlit með framvindu framkvæmda og gæðastjórnun á vettvangi
Skjalfesta verkþætti og halda utan um samskipti milli allra aðila
Vera tengiliður milli verktaka og annara verkefnisstjóra

Menntunar- og hæfniskröfur

Að lágmarki 3 ára reynsla af framkvæmdum og/eða samskiptum við verktaka
Reynsla af þátttöku á verkfundum og eftirfylgni með verkáætlunum (a.m.k. 2 ár)
Færni í skráningu gagna og notkun snjalltækja við verklegt eftirlit
Sjálfstæði í vinnubrögðum og geta til að axla ábyrgð á afmörkuðum verkþáttum
Góð samskiptahæfni og geta til að starfa í teymi með verktökum og samstarfsaðilum.

Fríðindi í starfi

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Um 100% starf er að ræða og æskilegt er að viðkomandi geti hafið störf sem fyrst eða eftir samkomulagi. Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um á vef Reykjanesbæjar, www.reykjanesbaer.is, undir Laus störf. Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið, auk upplýsinga um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Aron Heiðar Steinsson, netfang [email protected].

Auglýsing birt10. september 2025

Umsóknarfrestur15. september 2025

Tungumálahæfni