Tómstundaleiðbeinandi í félagsmiðstöðina Hraunið - Víðistaðaskóli

Víðistaðaskóli óskar eftir tómstundaleiðbeinendum í félagsmiðstöðina Hraunið. Starfið er um 25% og hentar vel fyrir skólafólk eða fyrir þá sem eru að leita sér að aukavinnu, vinnutíminn er utan hefðbundins vinnutíma.

Félagsmiðstöðin Hraunið býður börnum og unglingum í 5. – 10. bekk vettvang fyrir fjölbreytt og skemmtilegt tómstundastarf í húsnæði skólans eftir að hefðbundnum skóla lýkur. Starfið er unnið á grunni unglingalýðræðis og í anda forvarna. Hraunið er vettvangur fyrir opið félagsstarf, skipulagða dagskrá, hópastarf og ýmsa viðburði sem starfsfólk framkvæmir með unglingunum.

Helstu verkefni og ábyrgð:

• Tekur þátt í að skipuleggja og móta fjölbreytta dagskrá
• Mikil samskipti og samvinna við börn og unglinga
• Skapa jákvætt andrúmsloft sem byggir á virðingu og lýðræðislegum vinnubrögðum
• Stuðningur við frumkvæði barna og unglinga, tryggir öryggi þeirra og vellíðan
• Önnur verkefni skv. starfslýsingu

Menntunar- og hæfniskröfur:

• Starfsþjálfun, námskeið og/eða nokkur starfsreynsla nægir til að öðlast þá þekkingu sem krafist er
• Reynsla af starfi með börnum og unglingum
• Mjög góð íslenskukunnátta, að lágmarki A2 samkvæmt ETM Sjálfsmatsramma (coe.int)
• Stundvísi og skipulagshæfni, frumkvæði og sjálfstæð vinnubrögð
• Fjölbreytt áhugasvið sem nýtist í starfi félagsmiðstöðva
• Almenn tölvukunnátta

Skilyrði fyrir ráðningu er að viðkomandi hafi hreint sakavottorð.

Nánari upplýsingar um starfið veitir Margrét Rebekka Valgarðsdóttir deildarstjóri tómstundamiðstöðvar Víðistaðaskóla, í síma 664-5876 eða í gegnum netfangið [email protected]

Umsóknarfrestur er til og með 25. ágúst 2026.

Greinargóð ferilskrá fylgi umsókn.

Laun eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.