Laus störf Hæfnileit Vinnustaðir Námskeið

Steypustöðin - námur ehf.

Hólaskarð ehf er sameinað fyrirtæki Tak – Malbik ehf og Alexander Ólafsson ehf., sem bæði eiga sér áratugasögu í efnisvinnslu. Félagið er í eigu Steypustöðvarinnar ehf.

Vinnustaðurinn

Þjónustufulltrúi í Vatnsskarðsnámu

Steypustöðin leitar að sterkum, skipulögðum og jákvæðum einstaklingi í fjölbreytt starf í þjónustuskúr okkar í Vatnsskarðsnámu.

Starfið hentar vel einstaklingi sem hefur gaman af samskiptum, þjónustu og nákvæmri skráningu. Helstu verkefni snúa að þjónustu við viðskiptavini og samstarfsfólk á svæðinu, ásamt utanumhaldi á skráningum, verkbókhaldi, afstemmingum, dagskýrslum og framleiðsluskýrslum.

Við hvetjum öll kyn og þjóðerni til að sækja um.

Helstu verkefni og ábyrgð

Þjónusta við viðskiptavini og samstarfsfólk á svæðinu
Tryggja að framleiðsluskýrslur séu rétt skráðar
Tryggja að útfyllt efni sé rétt skráð
Sjá til þess að upplýsingar skili sér í réttan farveg, innan námunnar og utan
Halda utan um verkbókhald, afstemmingar, dagskýrslur og framleiðsluskýrslur
Svara fyrirspurnum og sinna símsvörun
Önnur tilfallandi verkefni

Menntunar- og hæfniskröfur

Menntun og/eða reynsla sem nýtist í starfi
Reynsla af þjónustu, skrifstofustörfum eða bókhaldstengdum verkefnum er kostur
Þekking á gæða- og öryggismálum er kostur
Þekking á Navision er kostur
Góð tölvukunnátta, meðal annars í Word, Excel, Outlook og almennri netnotkun
Skipulagshæfni, nákvæmni og frumkvæði í starfi
Jákvætt viðhorf og góð hæfni í mannlegum samskiptum

Fríðindi í starfi

Hádegismatur
Fjölbreytt og krefjandi verkefni
Námskeið og fræðsla
Jákvætt og hvetjandi vinnuumhverfi

Sótt er um starfið í gegnum umsóknarvef Alfreðs í formi ferilskrár og kynningarbréfs. Allar nánari upplýsingar um starfið veitir Rögnvaldur Andri Halldórsson Rekstrarstjóri náma í gegnum netfangið [email protected]

Um Steypustöðina

Steypustöðin var stofnuð árið 1947 og er eitt af leiðandi fyrirtækjum í steypuiðnaði á Íslandi, með höfuðstöðvar á Malarhöfða 10 í Reykjavík. Við höfum útibú á lykilstöðum eins og í Reykjavík, Hafnarfirði, Selfossi, Helguvík og Borgarnesi , auk tveggja færanlegra steypustöðva.

Aðalstarfsemi okkar er framleiðsla og afhending á hágæða steypu. Við rekum einnig helluverksmiðju, flotbíla fyrir flotmúr, múrverslun, efnisvinnslu og stærstu einingaverksmiðju landsins í Borgarnesi.

Steypustöðin leggur mikla áherslu á að starfa í sátt við umhverfi og samfélag. Starfsemin er rekin samkvæmt skýrum og mælanlegum markmiðum í sjálfbærnimálum.

Hjá Steypustöðinni starfa um 330 manns sem mynda öflugt og samstillt teymi. Við leggjum áherslu á gæði, nýsköpun og jákvætt starfsumhverfi, þar sem allir fá tækifæri til að vaxa og þróast í starfi.

Auglýsing birt30. apríl 2026

Umsóknarfrestur17. maí 2026

Tungumálahæfni