Laus störf Hæfnileit Vinnustaðir Námskeið

Akraneskaupstaður

Akranes er stærsta sveitarfélag Vesturlands með rúmlega 8.500 íbúa. Hjá Akraneskaupstað starfa tæplega 800 manns í 20 stofnunum. Bærinn rekur tvo grunnskóla, fjóra leikskóla, frístundastörf, búsetukjarna, miðlæga skrifstofu, tónlistarskóla, bókasafn, slökkvilið og byggðasafn svo fátt eitt sé nefnt. Akranes er framsækið sveitarfélag sem hefur jákvæðni, metnað og víðsýni að leiðarljósi í þjónustu og uppbyggingu sveitarfélagsins. Akranes er einstaklega fjölskylduvænt bæjarfélag þar sem gott er að búa og ala upp börn. Bærinn er bæði heilsueflandi og barnvænt samfélag og framfylgir stefnu um slíkt. Það sem einkennir Akranes er flatlendi þess og er því mjög þægilegt að ganga og hjóla um bæinn. Auk þess eru möguleikar til útivistar fjölbreyttir og stutt í ósnortna náttúru.

Vinnustaðurinn

Þjónustufulltrúi í þjónustu- og þróunardeild bæjarskrifstofu

Við leitum að þjónustuliprum og skipulögðum einstaklingi í starf þjónustufulltrúa í þjónustuveri sveitarfélagsins. Starfið felur í sér fjölbreytt samskipti við íbúa og starfsfólk, afgreiðslu erinda, stuðning við stafræna þjónustu og þátttöku í þróun þjónustuferla.

Viðkomandi þarf að vera með góða samskiptahæfni, þjónustulund og áhuga á stafrænum lausnum og Microsoft 365 umhverfi.

Helstu verkefni og ábyrgð

Almenn afgreiðsla og þjónusta við íbúa og gesti
Móttaka og skráning erinda í þjónustu- og málakerfum
Símsvörun og samskipti í tölvupósti
Upplýsingagjöf um þjónustu sveitarfélagsins og leiðbeiningar til íbúa
Aðstoð við notkun rafrænna umsókna og sjálfsafgreiðslulausna
Stuðningur við rafræna þjónustu og stafræna innleiðingu
Skjalavinnsla, skráning og meðferð gagna samkvæmt verklagi sveitarfélagsins
Stuðningur við fundi, bókanir og önnur almenn skrifstofuverkefni
Samvinna við önnur svið sveitarfélagsins um þjónustu og ferla
Þátttaka í umbótaverkefnum og þróun stafrænnar þjónustu

Menntunar- og hæfniskröfur

Stúdentspróf eða önnur sambærileg menntun sem nýtist í starfi
Reynsla af þjónustu-, afgreiðslu- eða skrifstofustörfum æskileg
Góð almenn tölvukunnátta og hæfni til að tileinka sér ný upplýsingakerfi
Þekking eða reynsla af Microsoft 365 umhverfi, t.d. Outlook, Teams, SharePoint og Office forritum
Reynsla af málaskrá, skjalastjórnun eða þjónustukerfum er kostur
Góð íslenskukunnátta í töluðu og rituðu máli
Enskukunnátta æskileg
Hæfni í mannlegum samskiptum og sterk þjónustulund
Frumkvæði, skipulagshæfni og sjálfstæð vinnubrögð
Hæfni til að vinna í hröðu og síbreytilegu umhverfi