Sumarstarfsmaður hjá Markaðsstofu höfuðborgarsvæðisins

Sumarstarfsmaður hjá Markaðsstofu höfuðborgarsvæðisins/Visit Reykjavík

Markaðsstofa höfuðborgarsvæðisins/Visit Reykjavík leitar að öflugum sumarstarfsmanni til að sinna verkefnum tengdum kortlagningu og þróun á útivistarvef fyrir höfuðborgarsvæðið utumallt.is. Á vefnum má finna gagnlegar upplýsingar um vinsæl útivistarsvæði, göngu- og hjólaleiðir. Leitað er eftir sumarstarfsmanni sem hefur m.a. áhuga á útivist til þess að afla og skrá frekari upplýsingar um útivistarmöguleika á höfuðborgarsvæðinu.

Auk þess mun starfsmaðurinn sinna almennri upplýsingagjöf um áfangastaðinn og öðrum tilfallandi verkefnum eins og við á.

Markaðsstofa höfuðborgarsvæðisins þróar og markaðssetur áfangastaðinn í heild. Áhersla er á að efla atvinnustarfsemi og auka gjaldeyristekjur með sjálfbærni að leiðarljósi.