Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Starfsmannastuðningur og ráðgjöf

Landspítali óskar eftir að ráða einstakling til að sinna stuðningi, ráðgjöf og faglegri handleiðslu fyrir starfsfólk spítalans auk aðkomu að fræðslu og öðrum verkefnum teymisins. Viðkomandi mun tilheyra Stuðningsteymi starfsfólks Landspítala.

Við viljum ráða einstakling sem hefur mikla færni og reynslu í stuðningi og ráðgjöf, er lausnamiðaður, hvetjandi og brennur fyrir eflingu einstaklinga og hópa, teymisvinnu og jákvæðri úrlausn mála. Reynsla af úrvinnslu erfiðra samskiptamála og vinna með vanlíðan af ýmsu tagi er mikill kostur og reynsla af faglegri handleiðslu, stjórnun, markþjálfun og að leiða vinnustofur og hópastarf er kostur.

Stuðningsteymi starfsfólks heyrir undir Mannauðsdeild, starfshlutfall er 100% og ráðið er í stöðuna til eins árs. Starfið er laust frá 1. janúar 2026 eða eftir nánara samkomulagi.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Háskólamenntun sem nýtist í starfi t.d. sálfræði-, guðfræðimenntun eða önnur sambærileg menntun á sviði félags-, heilbrigðis- eða menntavísinda

Reynsla af stuðningsvinnu, vinnu með líðan og úrvinnslu samskiptamála á vinnustað

Örugg framkoma, gott orðspor og færni í mannlegum samskiptum

Metnaður, frumkvæði og geta til að starfa sjálfstætt

Viðurkennt handleiðslunám á háskólastigi er kostur

Helstu verkefni og ábyrgð

Þátttaka í stuðnings- og ráðgjafarteymi Landspítala, í samræmi við menntun og reynslu

Stuðningur, ráðgjöf og handleiðsla við einstaklinga, teymi og hópa

Fagleg handleiðsla, stuðningur og ráðgjöf við starfsfólk og stjórnendur

Önnur tilfallandi verkefni

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi, ef við á. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, sálfræðingur, félagsráðgjafi, prestur, djákni, hjúkrunarfræðingur, kennari

Tungumálahæfni: Íslenska 5/5, enska 4/5

Nánari upplýsingar

Díana Ósk Óskarsdóttir, [email protected],

Hrönn Harðardóttir, [email protected], 8975600

Mannauðsdeild

Skaftahlíð 24

105 Reykjavík

Auglýsing birt17. október 2025

Umsóknarfrestur29. október 2025

Tungumálahæfni

Íslenska

Nauðsyn

Framúrskarandi

Enska

Nauðsyn

Mjög góð

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (50)