Laus störf Hæfnileit Vinnustaðir Námskeið

Freyja

Freyja ehf. er elsta starfandi sælgætisgerð á Íslandi, stofnuð umbrotaárið 1918. Freyja er sælgætisgerð Íslendinga og framleiðir söguleg sælgæti undir nokkrum af ástsælustu vörumerkjum landsins sem eru Rís, Draumur, Djúpur, Mix og Freyju súkkulaði. Eftir meira en heila öld af sælgætisframleiðslu endurspeglar saga og andi Freyju þjóðaranda Íslendinga sem einkennist af íslenskri bjartsýni. Bragð og gæði eru höfð í hávegum hjá Freyju, það er öllum fimmtíu starfsmönnum félagsins kappsmál að framleiða og markaðssetja sælgæti sem kallar fram bragðgóðar íslenskar minningar. Hvort sem það er fyrir íslenskan markað eða til útflutnings þar sem sælgætið frá Freyju er í stöðugri sókn. Nýsköpun og vöruþróun Freyju er ætluð að stuðla að varanlegum vexti og er það markmið að vörunýjungar verði hluti af fleiri gleðistundum, skemmtilegum hefðum og góðum minningum hjá þjóðinni.

Vinnustaðurinn

Starfsmaður á lager í verksmiðju Freyju

Freyja leitar nú eftir ábyrgum og traustum einstaklingi sem náð hefur a.m.k. 20 ára aldri í tiltekt pantana og á lager fyrirtækisins.

Við leitum að kraftmiklum og duglegum einstaklingi sem hefur góða aðlögunarhæfni, ríka þjónustulund og með nákvæm og skipulögð vinnubrögð, getu til að starfa sjálfstætt og í góðu samstarfi við aðra starfsmenn.

Lyftarapróf er nauðsyn.

Við leitum eftir einstaklingi sem getur hafið störf strax eða sem allra fyrst.

Helstu verkefni og ábyrgð

Móttaka hráefnis, vöru og umbúða
Bókun móttöku á innkaupum og millifærslum í birgðakerfi
Tínsla vöru í sölu- og millifærslupantanir.
Tiltekt og dreifing á hráefni, vöru og umbúðum til framleiðslueininga.
Tiltekt og skipulagning á lager
Samvinna við lager með tilbúnar söluvörur
Afleysingar á lager með tilbúnar söluvörur
Öll almenn lagerstörf og önnur tilfallandi verkefni í samráði við yfirmann

Menntunar- og hæfniskröfur

Vinnuvéla réttindi (lyftarapróf) nauðsynlegt
Almenn tölvu- og snjallsímaþekking er nauðsynleg
Meirapróf er mikill kostur
Reynsla af lagerstörfum er mikill kostur.
Stundvísi og skipulagshæfni
Íslensku kunnátta eða góð færni í ensku
Framúrskarandi þjónustuvilji

Freyja er elsta starfandi sælgætisgerð á Íslandi sem framleiðir og markaðssetur ótal vörutegundir af gómsætu sælgæti á heimsmælikvarða bæði á Íslandi og erlendis. Hjá Freyju starfa um 50 manns af öllum uppruna á tveimur stöðum, í verksmiðju fyrirtækisins á Kársnesbraut í Kópavogi og á skrifstofu- og lagerhúsnæði fyrirtækisins á Vesturvör í Kópavoginum.

Freyja er dótturfélag Langasjávar ehf. Félög í samstæðunni sérhæfa sig í framleiðslu og dreifingu á matvælum. Fyrirtækið vinnur markvisst að jafnréttismálum og stuðlar að vexti starfsmanna.

Hjá samstæðunni starfa um 420 manns.

Sótt er um starfið í gegnum Alfred.is.

Við hvetjum öll kyn til að sækja um.

Auglýsing birt14. janúar 2026

UmsóknarfresturEnginn

Tungumálahæfni