Laus störf Hæfnileit Vinnustaðir Námskeið

Fellaskóli Fellabæ

Fellaskóli í Fellabæ er grunnskóli þar sem lögð er áhersla á að efla bókvit, verkvit og siðvit jöfnum höndum. Í skólanum eru um 100 nemendur og þeim er skipt niður á þrjú stig; yngsta stig ( 1. – 4. bekk), miðstig ( 5. – 7. bekk) og unglingastig (8. – 10.) bekk. Á hverju stigi starfa kennarar og annað fagfólk saman í teymum. Við skipulag kennslu er horft til þess að nemendur eru á hverjum tíma mislangt komin á mismunandi sviðum þroska. Nemendur hafa einnig mismunandi styrkleika, áhugasvið og getu. Námi og öðru starfi skólans er ætlað að stuðla að alhliða þroska nemandans út frá forsendum og hæfileikum hvers og eins. Skólastarfið miðast við að stuðla jafnt að tilfinningalegum og félagslegum þroska sem og vitsmunalegum.

Vinnustaðurinn

Skólastjóri Fellaskóla Fellabæ, við þéttbýli Egilsstaða

Laus er til umsóknar 100% staða skólastjóra við Fellaskóla frá og með næsta skólaári, eða frá 1. ágúst 2026.

Fellaskóli í Fellabæ er grunnskóli í þéttbýli við Egilsstaði. Í Fellaskóla er lögð er áhersla á að efla bókvit, verkvit og siðvit jöfnum höndum.

Í skólanum er nemendum skipt niður á þrjú stig; yngsta stig (1.–4. bekk), miðstig (5.–7. bekk) og unglingastig (8.–10. bekk). Á hverju stigi starfa kennarar og annað fagfólk saman í teymum. Starfsfólk er 27 talsins í mismunandi stöðugildum og nemendur um 82.

Leik - og grunnskólinn á Borgarfirði eystra er rekin sem sjálfstætt starfandi deild undir Fellaskóla. Nemendur grunnskólans á Borgarfirði eystra stunda að hluta til nám við Fellaskóla. Þar eru 5 starfskraftar í mismunandi stöðugildum og 11 nemendur samtals.

Við skipulag kennslu er horft til þess að nemendur eru á hverjum tíma mislangt komnir á mismunandi sviðum þroska. Nemendur hafa einnig mismunandi styrkleika, áhugasvið og getu. Námi og öðru starfi skólans er ætlað að stuðla að alhliða þroska nemandans út frá forsendum og hæfileikum hvers og eins. Skólastarfið miðast við að stuðla jafnt að tilfinningalegum og félagslegum þroska sem og vitsmunalegum.

Næsti yfirmaður skólastjóra er sviðsstjóri menntunar og lýðheilsu Múlaþings.

Helstu verkefni og ábyrgð

Veitir skólanum faglega forystu
Leiðir samstarfið við aðila skólasamfélagsins
Stýrir og ber ábyrgð á rekstri og daglegri starfsemi skólans
Stýrir og ber ábyrgð á mannauðsmálum skólans, s.s. ráðningu, vinnutilhögun og starfsþróun
Mótar stefnu skólans innan ramma laga, reglugerða, aðalnámsskrá grunnskóla og stefnu sveitarfélagsins
Stuðlar að farsæld nemenda og starfsfólks í daglegu skólastarfi

Menntunar- og hæfniskröfur

Leyfisbréf til kennslu og kennslureynsla í grunnskóla
Stjórnunar- og skipulagshæfileikar og framúrskarandi samskiptafærni
Þekking og forystuhæfileikar til að leiða framsækna skólaþróun
Góð íslensku-og enskukunnátta og hæfni til að miðla upplýsingum í máli og riti
Viðbótarmenntun í stjórnun skilyrði
Reynsla af stjórnun mannauðs æskileg
Hreint sakavottorð

Launakjör eru samkvæmt kjarasamningum sveitarfélagsins og Skólastjórafélags Íslands.

Öllum umsóknum skal fylgja greinagott yfirlit yfir nám og fyrri störf, afrit af leyfisbréfi til kennslu og prófskírteini ásamt rökstuðningi fyrir hæfni viðkomandi í starfið. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar veitir Stefanía Malen Stefánsdóttir grunnskólafulltrúi, í síma 4700 700 eða á netfanginu [email protected].

Þeir sem ráðnir eru til starfa á fjölskyldusviði Múlaþings þurfa að veita heimild til að leitað sé upplýsinga úr sakaskrá hjá Ríkissaksóknara.

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt20. febrúar 2026

Umsóknarfrestur22. mars 2026

Tungumálahæfni