Sérfræðingur í netkerfum

Advania leitar að reyndum sérfræðingi í netkerfum og netlausnum í leiðandi ráðgjafarhlutverk þar sem þú styður bæði viðskiptavini og innri teymi með sérfræðiþekkingu á viðkomandi sviði.

Þú átt í nánu samstarfi við aðra sérfræðinga, öryggis- og tæknistjóra hjá viðskiptavinum okkar. Þú tekur þátt í að móta þjónustuframboð Advania og veitir ráðgjöf sem hefur raunveruleg áhrif á netumhverfi hjá fjölbreyttum hópi viðskiptavina. Starfið krefst djúprar tækniþekkingar og hæfni til að miðla flóknum málum á skýran og ráðgefandi hátt.

Helstu verkefni og ábyrgð

• Leiðandi ráðgjöf, sala og eftirfylgni gagnvart viðskiptavinum

• Hönnun, greining og uppsetning á netlausnum

• Umsjón og ráðgjöf varðandi veikleikastjórnun og netöryggi

• Aðstoða viðskiptavini við að uppfylla tæknilegar þarfir og kröfur

• Innleiðingar nýrra viðskiptavina og netlausna

• Rekstur og þróun á netlausnum viðskiptavina okkar

• Þáttaka í þróun á lausnaframboði, einföldun vinnuferla og umbótum á þjónustu

• Framþróun á þekkingu og vottunum

• Náið samstarf við vörustjóra net- og öryggislausna, sölu- og rekstrarlausna ásamt öðrum sérfræðingum Advania

Eiginleikar sem við leitum að

• Framúrskarandi þjónustulund og samskiptahæfni

• Jákvætt hugarfar og lausnamiðuð nálgun

• Frumkvæði og sjálfstæði í vinnubrögðum

• Brennandi áhugi á upplýsingatækni

• Hæfni til að starfa bæði sjálfstætt og í hópi

• Íslensku- og enskukunnátta skilyrði

Menntunar- og hæfniskröfur

• Háskólagráða eða sambærileg reynsla sem nýtist í starfi

• Að lágmarki tveggja ára reynsla af sambærilegu starfi

• Vottanir á borð við Cisco CCNA, CCNP, Fortinet NSE 4-7 eða sambærilegar eru kostur. Ef þær eru ekki til staðar aðstoðum við þig við að komast þangað

• Reynsla og áhugi á netlausnum í Azure og/eða AWS er kostur

• Reynsla af greiningu og hönnun netkerfa með áherslu á öryggi, áreiðanleika og hagkvæmni er kostur