Laus störf Hæfnileit Vinnustaðir Námskeið

Alda Öryggi ehf.

Alda Öryggi er íslenskt "Safety as Service" nýsköpunar- og þjónustufyrirtæki sem þróar stafrænar lausnir til að bæta öryggi sjómanna og einfalda öryggisstjórnun í sjávarútvegi. Við höfum þróað öryggisstjórnunarkerfi sem er þegar í notkun hjá íslenskum og erlendum útgerðum. Markmiðið er að efla öryggismenningu, fyrirbyggja slys og stuðla að öruggara starfsumhverfi sjómanna og í sjávarútvegi. Aldan er í örum vexti og stefnir að aukinni útbreiðslu á alþjóðlegum markaði. Við vinnum náið með sjávarútvegsfyrirtækjum og sérfræðingum í öryggismálum að þróun lausna sem mæta raunverulegum þörfum atvinnugreinarinnar. Hjá Öldunni starfar lítið en metnaðarfullt teymi þar sem frumkvæði, samstarf og nýsköpun skipta máli. Við leggjum áherslu á sveigjanleika, ábyrgð og að starfsfólk hafi raunveruleg áhrif á þróun fyrirtækisins. Við trúum því að með réttri nýtingu tækni og öflugri öryggismenningu sé hægt að gera störf sjómanna öruggari – á Íslandi og um allan heim.

Vinnustaðurinn

Taktu forystu í kerfinu sem bjargar mannslífum!

Við hjá Alda Öryggi erum að leita að reyndum Senior forritara í brúna hjá okkur sem vill taka þátt í að byggja upp alþjóðlegt hugbúnaðarfyrirtæki. Við höfum þróað tímamóta öryggisstjórnunarkerfi fyrir sjávarútveg sem hefur sannað gildi sitt á Íslandi og er í notkun hjá íslenskum og erlendum útgerðum. Nú stefnum við á frekari útbreiðslu erlendis og leitum að öflugum einstaklingi sem vill taka tæknilega forystu í þeirri vegferð.

Ef þú ert með sterka reynslu af margþættum hugbúnaðarkerfum, bakenda-arkitektúr og vilt hafa raunveruleg áhrif á að bjarga mannslífum, þá viljum við endilega heyra í þér

Helstu verkefni og ábyrgð

Við leitum að reyndum að reyndum senior forritara sem getur tekið tæknilega forystu í þróun Öldunnar, haft yfirsýn yfir verkefnin og borið ábyrgð á gæðum, öryggi og áframhaldandi þróun kerfisins.

Starfið krefst sjálfstæðra vinnubragða, frumkvæðis og góðra samskipta. Mikilvægt er að geta unnið náið með öðrum í teyminu.

Menntunar- og hæfniskröfur

Mikil reynsla í smíði hugbúnaðar og hugbúnaðarkerfum með og án notkunar gervigreindar. Skilningur á context-engineering. Öryggisvitund: Þú þekkir XSS, CORS og örugga meðferð innskráningarupplýsinga. Sveigjanleiki í gagnagrunnum: Þér líður vel í bæði SQL og Firestore.

Tæknistakkurinn

Bakendi: Node.js (Express.js), Typescript, MS-SQL, Firebase/Firestore.

Framendi: React, React Native, Zustand, Chakra UI.

Vöktun: Sentry (Error + APM).

Fríðindi í starfi

Mikil áhrif í litlu teymi, sveigjanleiki og tækifæri til að þróa hugbúnað og byggja upp nýtt alþjóðlegt viðmið í öryggismálum sjómanna á heimsvísu.

Ráðningarferli

Ráðningarferli: Tvær umferðir. Spjall um sýn og vinnustaðamenningu með framkvæmdastjóra og tæknilegt spjall með tæknistjóra.

Umsóknarfrestur er til og með 1. nóvember 2026. Farið verður yfir umsóknir jafnóðum og þær berast og áskilur Alda Öryggi sér rétt til að ráða í starfið áður en umsóknarfrestur rennur út.

Auglýsing birt16. október 2026

Umsóknarfrestur2. nóvember 2026

Tungumálahæfni