Ertu sérfræðingur í vef- og samfélagsmiðlum? (50% starf)

Kavita, móðurfyrirtæki vörumerkjanna ICEHERBS og Protis sem þróa og framleiða íslensk fæðubótarefni og húðvörur, leitar að drífandi og skapandi einstaklingi með brennandi áhuga á stafrænu efni, vefmiðlum og samfélagsmiðlum.

Viðkomandi mun halda utan um vefverslanir, vefsíður og samfélagsmiðla, og tryggja að stafrænt efni fyrirtækisins sé ferskt og áhrifaríkt, þannig að vörumerkin okkar skíni í stafrænum heimi.

Við viljum fá til liðs við okkur skapandi markaðs- og söludrifinn einstakling sem er skipulagður, sjálfstæður, sýnir frumkvæði, og hefur gaman af því að skapa notendavæna upplifun.

Þetta er hlutastarf (50%) sem hentar vel fyrir einhvern sem vill blanda saman sköpun, markaðsdrifnum hugsunarhætti, tæknilegri útsjónarsemi og nákvæmni. Starfið gæti seinna meir orðið fullt starf.

Hvað felst í starfinu?

• Hámarka notendavæna upplifun viðskiptavina í vefverslunum ICEHERBS og Protis.
• Sjá um daglegan rekstur og framsetningu í vefverslunum ICEHERBS og Protis.
• Tryggja samræmda ásýnd og að útlit vefmiðla endurspegli ímynd Kavita og vörumerkja fyrirtækisins.
• Sjá um samfélagsmiðla vörumerkjanna og markaðspósta.
• Setja upp stafrænar herferðir á öllum vefmiðlum.
• Góð innsýn í stafræna markaðssetningu og kostnaðarnýtingu.
• Umsjón með auglýsingum, vefborðum, textaskrifum og öðru efni í vefmiðlum.
• Greina gögn til að meta árangur og leggja fram tillögur að úrbótum.
• Ýmis tilfallandi verkefni tengd markaðs- og vefmálum.
• Viðhalda tæknilegri virkni vefmiðla og vinna með þjónustuaðilum.
• Fylgjast með nýjustu straumum í veflausnum og innleiða úrbætur og nýjungar.
• Menntun sem nýtist í starfi og/eða reynsla af stjórnun vefsíðna, stafrænum verkefnum, og samfélagsmiðlum.

Menntunar- og hæfniskröfur:

Menntun sem nýtist í starfi og/eða reynsla af stjórnun vefsíðna, stafrænum verkefnum, og samfélagsmiðlum.

Brennandi áhugi og reynsla á einföldum vefsíðukerfum og stafrænum miðlum.

Þekking og reynsla af notendaupplifun.

Greiningarhæfni.

Skipulagshæfni, frumkvæði og nákvæm vinnubrögð.

Góð færni í íslensku og ensku er nauðsynleg, bæði í rituðu og töluðu máli.

Framúrskarandi samskiptahæfni, hæfni í teymisvinnu, en jafnframt sjálfstæð vinnubrögð, mikilvægur hluti starfsins er að taka virkan þátt í skapandi brainstormum í litlu og þéttu teymi.

Við bjóðum:

• Nýtt og spennandi starf sem mótast með þér.
• 50% starfshlutfall til að byrja með – möguleiki á fullu starfi seinna meir.
• Vinnutími að mestu leyti fyrri hluta dags.
• Lifandi vinnuumhverfi í kraftmiklu fyrirtæki í vexti.

Áhugasamir sem uppfylla ofangreind skilyrði eru hvattir til að senda umsókn fyrir 21. september n.k. Farið er með allar umsóknir sem trúnaðarmál. Umsækjandi þarf að geta hafið störf sem fyrst.