Sérfræðingur í innheimtudeild

Menntasjóður námsmanna óskar eftir að ráða til starfa sérfræðing í innheimtudeild. Í starfinu felst ráðgjöf og þjónusta við greiðendur námslána, úrvinnsla gagna við innheimtu námslána ásamt ýmsum öðrum verkefnum tengdum innheimtumálum.

Helstu viðfangsefni og ábyrgð

• Verkefni sem tengjast innheimtu lána
• Útgáfa og skuldbreyting ofláns- og vanskilaskuldabréfa
• Upplýsingagjöf vegna innheimtu
• Samskipti við lög- og milliinnheimtuaðila
• Tölfræðileg vinna og úrvinnsla úr innheimtukerfi og öðrum upplýsingakerfum sjóðsins
  
  

Menntunar- og hæfniskröfur

• Háskólamenntun sem nýtist í starfi s.s. viðskiptafræðingur eða hagfræðingur
• Mjög góð samskiptahæfni og þjónustulund
• Talnaglöggur
• Hæfni til að vinna undir álagi
• Frumkvæði, jákvæðni og öguð vinnubrögð
• Góð tölvukunnátta
• Gott vald á íslensku

Menntasjóður námsmanna er félagslegur jöfnunarsjóður sem hefur það að markmiði að tryggja námsmönnum í lánshæfu námi jöfn tækifæri til náms, án tillits til efnahags og stöðu að öðru leyti, með því að veita námsmönnum fjárhagslega aðstoð í formi námslána og styrkja. Hjá MSNM starfa um 30 starfsmenn. Gildi sjóðsins eru: fagmennska, samstarf og framsækni. Nánari upplýsingar má finna á www.menntasjodur.is.

Umsóknarfrestur er til og með 12. september 2025. Umsókn óskast fyllt út á www.intellecta.is og þarf henni að fylgja starfsferilskrá og ítarlegt kynningarbréf (hvort tveggja á íslensku), þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir einstaklingar, óháð kyni, eru hvattir til að sækja um starfið. Laun eru samkvæmt kjarasamningi fjármála- og efnahagsráðherra við Visku stéttarfélag. Athygli er vakin á því að umsóknir geta gilt í 6 mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin.

Upplýsingar veita Helga Birna Jónsdóttir ([email protected]) og Thelma Kristín Kvaran ([email protected]) í síma 511 1225.