Sérfræðingur á sviði úttekta og kannana

Velferðarsvið Reykjavíkurborgar leitar að sérfræðingi í fullt starf í teymi árangurs- og gæðamats á skrifstofu stjórnsýslu, tímabundið til eins árs.

Um er að ræða fjölbreytt og krefjandi starf fyrir lausnamiðaðan, jákvæðan og skipulagðan einstakling með góða greiningar- og samskiptahæfni, frumkvæði og frjóa hugsun. Viðkomandi þarf að geta unnið sjálfstætt sem og í hópi og geta tekist á við krefjandi verkefni við fjölbreyttar aðstæður.

Sérfræðingur annast að meginstefnu til undirbúning og framkvæmd úttekta á þjónustu velferðarsviðs í málaflokki fatlaðs fólks í samvinnu við skrifstofu um málefni fatlaðs fólks, sem ber ábyrgð á innra eftirliti. Þá tekur sérfræðingur þátt í nefndarstarfi og vinnuhópum vegna verkefna teymisins.

Velferðarsvið veitir fjölbreytta og metnaðarfulla velferðarþjónustu sem hefur það að meginmarkmiði að stuðla að auknum lífsgæðum íbúa Reykjavíkurborgar. Undir sviðið heyra 117 starfsstaðir, þar af 77 sem veita sólarhringsþjónustu.

Velferðarsvið kallar eftir sakavottorðum í samræmi við lög sem og reglur Reykjavíkurborgar.

Í samræmi við mannréttindastefnu Reykjavíkurborgar og velferðarstefnu er lögð áhersla á að starfsstaðir velferðarsviðs endurspegli fjölbreytileika samfélagsins. Við hvetjum því fólk af öllum kynjum, fatlað fólk og fólk með fjölbreyttan menningarlegan bakgrunn til að sækja um starfið.