Laus störf Hæfnileit Vinnustaðir Námskeið

Bónus

Bónus er leiðandi vörumerki á íslenskum dagvörumarkaði með hátt upp í 1000 starfsmenn á sínum snærum. Bónus hefur í yfir 30 ár boðið Íslendingum upp á bestu mögulegu verð á matvöru.

Vinnustaðurinn

Markaðsfulltrúi hjá Bónus

Afleysing vegna fæðingarorlofs með möguleika á áframhaldandi starfi!

Við leitum að öflugum og skapandi markaðsfulltrúa til liðs við markaðsteymi Bónus. Starfið er fjölbreytt og krefst bæði skipulagshæfileika og góðrar tilfinningar fyrir framsetningu, hönnun og markaðssamskiptum. Viðkomandi mun koma að fjölbreyttum verkefnum á sviði markaðsmála, allt frá hönnun og efnisgerð til utanumhalds verkefna, birtinga og stafrænna miðla.

Helstu verkefni og ábyrgð

Helstu verkefni:

Umsjón með birtingum og birtingaplönum á fjölbreyttum miðlum

Samskipti við fjölmiðla, birgja og samstarfsaðila
Hönnun og uppsetning skilta, merkinga og annars markaðsefnis
Umsjón með verkefnum tengdum Ódýrast vikunnar
Umsjón með fréttabréfum og öðrum reglubundnum markaðsbirtingum
Uppfærsla og rekstur vefs Bónus
Umsjón með framleiðslu og pöntunum markaðsefnis
Samstarf við auglýsingastofur, framleiðendur og aðra þjónustuaðila
Þátttaka í markaðsherferðum og öðrum verkefnum markaðsteymisins

Menntunar- og hæfniskröfur

Við leitum að einstaklingi sem:

Hefur reynslu af markaðs-, kynningar- eða samskiptastörfum
Hefur góða tilfinningu fyrir hönnun, framsetningu og vörumerkjum
Er skipulagður, sjálfstæður og lausnamiðaður
Hefur góða samskiptahæfni og á auðvelt með samstarf
Getur haldið utan um mörg verkefni samtímis og komið þeim í framkvæmd
Hefur gott vald á íslensku í rituðu máli og góða enskukunnáttu

Kostur er ef þú hefur reynslu af:

Adobe Creative Cloud (Illustrator, InDesign og Photoshop)
Figma
Klaviyo eða sambærilegum markaðs- og fréttabréfakerfum
Meta Business Manager eða Google Ads
Efnisstjórnunarkerfum og vefumsjón
Samfélagsmiðlum, myndvinnslu og efnisgerð
Menntun í markaðsfræði, samskiptum eða sambærilegu námi

Hvað býður Bónus upp á?

Fjölbreytt og skemmtilegt starf hjá einu þekktasta vörumerki landsins
Tækifæri til að hafa raunveruleg áhrif og sjá hugmyndir verða að veruleika
Öflugt og samheldið teymi þar sem allir eru fyndnir og skemmtilegir
Mikla ábyrgð, sjálfstæði og svigrúm til að þróast í starfi
Hraðskreitt vinnuumhverfi þar sem engir tveir dagar eru eins
Samstarfsfólk sem tekur vinnuna alvarlega en tekur sjálft sig mun minna alvarlega
Aðgang að sögufrægum (og pínu illa förnum) grísabúningi til að nota í hvers konar neyðartilfellum
Óþarflega margar skoðanir á pylsum, súkkulaði, skiltum og því hvað telst vera góð tilboð

Við hvetjum metnaðarfulla einstaklinga með áhuga á markaðsmálum, hönnun og verkefnastjórnun til að sækja um. Bónus er jafnréttisvinnuveitandi. Við fögnum fjölbreytileika og leggjum okkur fram um að skapa hvetjandi umhverfi fyrir alla starfsmenn.

Umsóknarfrestur 26.06.2026

ATH. Umsóknir verða skoðaðar strax og viðtöl boðuð þó umsóknarfrestur sé ekki liðinn. Við óskum eftir ferilskrá og kynningarbréfi frá öllum umsækjendum.

Nánari upplýsingar veitir Ólafur Thors, markaðsstjóri Bónus ([email protected]).

Auglýsing birt10. júní 2026

Umsóknarfrestur26. júní 2026

Tungumálahæfni