Listgreinakennari við Norðlingaskóla
Norðlingaskóli leitar að skapandi og metnaðarfullum listgreinakennara með áherslu á leiklist til að ganga til liðs við öflugt teymi kennara sem vinnur saman að fjölbreyttu og skapandi skólastarfi. Um er að ræða 100% tímabundið starf skólaárið 2026-2027 frá 1. ágúst 2026.
Í list- og verkgreinateymi skólans starfar öflugur hópur kennara sem vinnur náið saman að fjölbreyttum og skapandi verkefnum með nemendum. Samstarf verk- og listgreinakennara við aðra kennara í skólanum er m.a. í gegnum smiðjuvinnu þar sem unnið er að þemaverkefnum og leiklistarsýningum. Góð aðstaða til list- og verkgreinakennslu styður við samstarf, samþættingu námsgreina og skapandi skólastarf.
Í Norðlingaskóla er áhersla á teymiskennslu, samkennslu árganga, einstaklingsmiðað nám, smiðjuvinnu, náið samráð við foreldra, nýbreytni og skólaþróun. Allt skólastarf byggir á teymisvinnu starfsfólks.
Norðlingaskóli er heildstæður grunnskóli með rúmlega 500 nemendur í 1. – 10. bekk. Skólinn er staðsettur í einstöku umhverfi í Norðlingaholti. Við skólann er samþætt grunnskóla- og frístundastarf.
Stefna og starf skólans grundvallast á því lífsviðhorfi að hverjum einstaklingi skuli búin námsskilyrði svo hann megi þroskast og dafna á eigin forsendum og útskrifast úr grunnskóla sem sjálfstæður, sterkur og lífsglaður einstaklingur.
- Annast kennslu nemenda í samstarfi við skólastjórnendur og aðra kennara.
- Tekur þátt í uppsetningu á leiksýningum í samstarfi við aðra kennara.
- Stuðlar að velferð nemenda í samstarfi við foreldra og annað fagfólk.
- Tekur þátt í þróun skólastarfs með stjórnendum og samstarfsfólki.
- Leyfi til að nota starfsheitið kennari.
- Menntun og/eða reynsla á sviði leiklistar.
- Reynsla og áhugi á að starfa með börnum.
- Hæfni í mannlegum samskiptum og sveigjanleiki í starfi.
- Faglegur metnaður og frumkvæði í starfi.
- Áhugi á skapandi kennsluháttum og þróun skólastarfs.
- Áhugi og vilji til að starfa í teymisvinnu.
- Góð íslenskukunnátta er skilyrði.
Íslenska
