Laus störf Hæfnileit Vinnustaðir Námskeið

Iðan fræðslusetur

Iðan er fræðslusetur í iðnaði og sinnir símenntun starfsmanna í bílgreinum, bygginga- og mannvirkjagreinum, málm- og véltæknigreinum, prent- og miðlunargreinum og matvæla- og veitingagreinum. Námsframboðið er fjölbreytt og í stöðugri þróun en markmið Iðunnar er að stuðla að framúrskarandi færni, framþróun og nýsköpun meðal starfsfólks í iðngreinum.

Vinnustaðurinn

Liðsfélagi í markaðs- og framleiðsludeild

Iðan fræðslusetur er leiðandi í sí- og endurmenntun fyrir íslenskan iðnað. Við leggjum áherslu á gæði, nýsköpun og þróun fræðslu sem eflir hæfni fagfólks og styður við framþróun iðngreina.

Við leitum að öflugum og skapandi framleiðslu- og viðburðafulltrúa sem hefur metnað til að takast á við fjölbreytt verkefni, á auðvelt með að vinna með fólki, er forvitinn um nýja tækni og óhræddur við að tileinka sér nýja þekkingu.

Starfið felur fyrst og fremst í sér skipulag og utanumhald framleiðsluverkefna og viðburða. Framleiðsluverkefnin spanna m.a. vefnámskeið, myndskeið, hlaðvörp, kynningarefni og annað fræðsluefni. Áhersla er lögð á frumkvæði, sjálfstæð vinnubrögð og áhuga á því hvernig tækni og nýjar miðlunarleiðir geta stuðlað að þróun fræðslu.

Helstu verkefni og ábyrgð

Skipulagning og utanumhald fjölbreyttra framleiðsluverkefna
Umsjón með verkáætlunum, tímasetningum og framvindu verkefna
Þátttaka í vefverkefnum og þróun stafrænnar miðlunar
Samskipti og samstarf við innri og ytri aðila
Undirbúningur og framkvæmd viðburða og sýninga
Þátttaka í öðrum verkefnum markaðs- og framleiðsludeildar

Menntunar- og hæfniskröfur

Menntun og/eða reynsla á sviði framleiðslu, stafrænnar miðlunar eða verkefnaumsjónar
Góð skipulagshæfni og sjálfstæð vinnubrögð
Góð samskiptafærni og hæfni til teymisvinnu
Frumkvæði, skapandi hugsun og lausnamiðuð nálgun
Skilningur á vefumhverfi og samspili fræðsluefnis og tækni
Forvitni um þróun stafrænnar fræðslu og nýjar leiðir til miðlunar þekkingar
Sveigjanleiki og vilji til að tileinka sér nýja þekkingu og vinnubrögð
Góð íslensku- og enskukunnátta

Um Iðuna

Iðan fræðslusetur þjónustar fjölbreyttar iðngreinar um land allt. Hjá Iðunni starfar öflugur hópur fagfólks sem vinnur saman að því að efla hæfni, gæði og framþróun í íslenskum iðnaði.

Við bjóðum fjölbreytt verkefni, gott starfsumhverfi og tækifæri til að læra, þróast og hafa áhrif á hvernig fræðslu og þekkingu er miðlað.

Nánari uppl‎‎ýsingar

Þórdís Sif Arnarsdóttir – [email protected]

Auglýsing birt20. október 2026

Umsóknarfrestur1. nóvember 2026

Tungumálahæfni