Leikskólakennari/Leiðbeinandi óskast

Sælukot er sjálfstæður leikskóli sem starfar eftir hugmyndafræði P.R. Sarkar sem nefnist Ný-húmanismi (Neo Humanism), ásamt Aðalnámskrá leikskóla.
Í leikskólanum stunda börnin jóga og hugleiðslu (við hæfi barna) og borða grænmetis- og veganfæði. Börnin eru á aldrinum 12 mánaða til 6 ára. Leikskólinn er staðsettur í Litla Skerjafirði þar sem stutt er niður að sjónum og á græn svæði.

Nýlega opnuðum við tvær nýjar deildir og höfum nú rými fyrir alls 99 börn. Af þeim sökum leitum við að fleiri leikskólakennurum og starfsfólki til að ganga til liðs við okkur. Sérstaða Sælukots er samvinna og teymisvinna sem ríkir bæði meðal starfsfólks og barna, sem skapar jákvætt, hlýlegt og faglegt umhverfi fyrir alla.

Við hvetjum áhugasama til að sækja um og taka þátt í því að skapa skapandi, kærleiksríkt og uppbyggilegt umhverfi fyrir börnin í Sælukoti.

Laun eru samkvæmt kjarasamningum.

Við hvetjum áhugasama til að sækja um óháð kyni.

Góð íslenskukunnátta er skilyrði.