Laus störf Hæfnileit Vinnustaðir Námskeið

Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Deildarstjóri bílastæðasjóðs

Umhverfis- og skipulagssvið Reykjavíkurborgar leitar að öflugum og metnaðarfullum leiðtoga til að leiða þjónustu og rekstur Bílastæðasjóðs. Við leitum að einstaklingi sem býr yfir ríkum umbótavilja, hugmyndaauðgi og leitast við að vera leiðandi í þjónustu við borgarbúa. Um er að ræða fjölbreytt og krefjandi stjórnunarstarf í lifandi umhverfi.

Hlutverk Bílastæðasjóðs er að veita aðgengi að bílastæðum í borginni, stýra nýtingu þeirra og sinna eftirliti í því skyni að greiða fyrir umferð gangandi, hjólandi og akandi vegfarenda. Sjóðurinn ber einnig ábyrgð á rekstri sjö bílahúsa í miðborg Reykjavíkur.

Helstu verkefni og ábyrgð

Ábyrgð á daglegum rekstri og mannauði Bílastæðasjóðs
Ábyrgð á þróun og innleiðingu á verklagi og umbótum á starfsemi sjóðsins.
Ábyrgð á reglulegri endurskoðun gjaldskrár, gjaldsvæða og öðrum þáttum starfseminnar.
Gerð starfs- og fjárhagsáætlana.
Upplýsingamiðlun, umsagnir og samskipti tengd starfsseminni.
Stefnumótandi hlutverk í málefnum sem tengjast starfsemi sjóðsins.
Þátttaka í þverfaglegum teymum og starfshópum um málefni er varða starfssemina.

Menntunar- og hæfniskröfur

Háskólamenntun og framhaldsmenntun sem nýtist í starfi, s.s. stjórnun, lögfræði, verkfræði, opinber stjórnsýsla o.fl.
Haldbær stjórnunarreynsla og reynsla af stjórnun mannauðs.
Leiðtogahæfileikar og mjög góð færni í mannlegum samskiptum.
Hæfni til þess að sjá tækifæri til umbóta og til þess að gegna leiðandi hlutverki i umbótavinnu.
Haldbær þekking á stjórnsýslulögum og lagaumhverfi starfsvettvangsins.
Þekking og/eða reynsla af stefnumótunarvinnu auk starfs- og fjárhagsáætlanagerð.
Frumkvæði og sjálfstæð vinnubrögð.
Íslenskukunnátta C1-C2 skv. evrópskum tungumálaramma og enskukunnátta B2-C1.

Um er að ræða 100% starf.
Starfsheiti: Deildarstjóri bílastæðasjóðs
Laun eru skv. kjarasamningi Reykjavíkurborgar og hlutaðeigandi kjarafélags.
Nánari upplýsingar um starfið veita Guðbjörg Lilja Erlendsdóttir samgöngustjóri, [email protected]eða Þorvaldur Guðjónsson deildarstjóri ráðninga og starfsumhverfis, [email protected].
Umsóknarfrestur er til og með 18. janúar 2026