Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur á Líknardeild

Hjúkrunarfræðingur óskast til fjölbreyttra og krefjandi starfa á líknardeild í fallegu umhverfi við sjávarsíðuna í Kópavogi.

Líknarmeðferð miðast við að bæta lífsgæði og draga úr einkennum hjá sjúklingum með alvarlega, langvinna lífógnandi sjúkdóma. Áhersla er á að veita virkan stuðning við aðstandendur þeirra.

Á líknardeild starfa um 60 einstaklingar og mikil áhersla er lögð á þverfaglega teymisvinnu og fjölskylduhjúkrun. Starfsumhverfið einkennist að miklum faglegum metnaði og góðum starfsanda. Boðið er upp á fræðslu og starfsaðlögun með reyndum hjúkrunarfræðingum. Sálrænn stuðningur og viðrunarfundir eru fastir þættir sem stuðningur við starfsfólk deildarinnar, leitt af reyndum fagaðilum.

Starfshlutfall er samkomulag og vinnufyrirkomulag vaktavinna. Starfið er laust nú þegar eða eftir samkomulagi.

Áhugasömum er velkomið að hafa samband við Ólöfu Ásdísi, deildarstjóra og sjálfsagt að koma og skoða aðstæður. Næg bílastæði eru við líknardeildina.

Menntunar- og hæfniskröfur

Íslenskt hjúkrunarleyfi

Faglegur metnaður

Jákvætt viðmót og góðir samskiptahæfileikar

Frumkvæði og sjálfstæði í vinnubrögðum

Íslenskukunnátta

Helstu verkefni og ábyrgð

Hjúkrun, ráðgjöf og stuðningur til sjúklinga og aðstandenda

Þátttaka í gæðastarfi og þróun hjúkrunar á deildinni

Þátttaka í þverfaglegri teymisvinnu

Starfshlutfall: 60-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, teymisvinna

Tungumálahæfni: íslenska 3/5

Staðsetnig: Kópavogsgerði 6 c-d, 200 Kópavogi

Nánari upplýsingar

Ólöf Ásdís Ólafsdóttir

deildarstjóri

Tölvupóstur: [email protected]

Sími: 824-1349

Auglýsing birt1. júlí 2026

Umsóknarfrestur20. júlí 2026

Tungumálahæfni

Íslenska

Nauðsyn

Meðalhæfni

Starfstegund

Starfsgreinar

Starfsmerkingar

Fleiri störf (50)

Heilbrigðisritari/ Skrifstofumaður í móttöku göngudeildar og bráðamóttöku barna Barnaspítala Hringsins