Laus störf Hæfnileit Vinnustaðir Námskeið

Heilsugæsla Höfuðborgarsvæðisins

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu. Einnig sjáum við um sérþjónustustöðvarnar: Heimahjúkrun í Hafnarfirði, Garðabæ, Kópavogi og Mosfellsumdæmi, Geðheilsumiðstöð barna, Göngudeild sóttvarna, Geðheilsuteymi HH austur, Geðheilsuteymi HH vestur, Geðheilsuteymi HH suður, Geðheilsuteymi Taugaþroskaraskanna, Geðheilsuteymi fangelsa, Geðheilsuteymi ADHD fullorðinna, Samhæfingastöð krabbameinsskimanna, Upplýsingamiðstöð, Þróunarmiðstöð íslenskrar heilsugæslu auk stoðþjónustu á skrifstofu. Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar. Heilsugæsla höfuðborgarsvæðisins hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín. Starfsfólk heilsugæslunnar vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan byggir á sérþekkingu og víðtæku þverfaglegu samstarfi.

Vinnustaðurinn

Hjúkrunarfræðingar óskast til HH - starfsþróunarár í boði

Heilsugæsla höfuðborgasvæðisins auglýsir eftir hjúkrunarfræðingum í ótímabundin störf. Í boði er starfsþróunarár en það er spennandi verkefni innan heilsugæslunnar og er hugsað fyrir nýútskrifaða hjúkrunarfræðinga og hjúkrunarfræðinga sem ekki hafa áður starfað í heilsugæslu. Heilsugæslan er spennandi og fjölskylduvænn vinnustaður sem býður upp á lærdómsríkt starfsumhverfi.

Á starfsþróunarári er í boði handleiðsla og fræðsla sem miðar að því að efla hjúkrunarfræðinga á fyrsta starfsári sem hjúkrunarfræðingar í heilsugæslu. Lausar eru til umsóknar 3 stöður á starfsþróunarár HH sem í boði eru á heilsugæslunni Árbæ, Miðbæ og Seltjarnarnesi og Vesturbæ.

Stefnt er að því að hefja starfsþróunarárið í byrjun september 2026 og að því ljúki í lok maí 2027.

Helstu verkefni og ábyrgð

Hjúkrunarfræðingar í heilsugæslu sinna fjölbreyttum og spennandi verkefnum þar sem mikið er um námstækifæri og tækifæri til að taka þátt í þróun heilsugæsluhjúkrunar. Hjúkrunarfræðingar sinna heildrænni nálgun skjólstæðinga á öllum aldursskeiðum ásamt því að taka þátt í teymisvinnu.

Hjúkrunarfræðingar í hjúkrunarmóttöku sinna t.d. sáraskiptum, saumatökum, bólusetningum, lyfjagjöfum, blóðaftöppunum, lífsmarkamælingum ásamt því að sinna símaráðgjöf og svara heilsuveruskilaboðum.
Hjúkrunarfræðingar í móttöku taka á móti bráðum erindum s.s. smáslysum og veikindum.
Hjúkrunarfræðingar í ung og smábarnavernd efla heilsu, vellíðan og þroska ungra barna með reglulegum heilsufarsskoðunum ásamt stuðningi og heilbrigðisfræðslu til fjölskyldna þeirra.
Hjúkrunarfræðingar í heilsuvernd skólabarna sinna reglubundnu heilbrigðiseftirliti nemenda og fræðslu. Auk þess sinna þeir öðrum viðfangsefnum sem upp kunna að koma í samstarfi við annað starfsfólk skólans og foreldra eftir þörfum hverju sinni.
Hjúkrunarfræðingar í heilsueflandi móttöku og heilsuvernd aldraðra veita fræðslu til skjólstæðinga og aðstandenda ásamt því að greina áhættuþætti og stuðla að sjálfstrausti, sjálfstæði og auknu öryggi..
Hjúkrunarfræðingar í heimahjúkrun veita skjólstæðingum viðeigandi aðstoð til að auka sjálfsbjargargetu og gera þeim kleift að dveljast heima við sem eðlilegastar og bestar aðstæður eins lengi og unnt er, miðað við heilsufar og félagslegan búnað.

Menntunar- og hæfniskröfur